دوای داواكاری به‌رده‌وامی هاووڵاتییان له بڵاوبوونه‌وه‌ی مێشووله و هه‌راسانكردنیان، سه‌رۆكی شاره‌وانی له سه‌ره‌تای ئه‌م مانگه‌وه بڕیاری دا چوونی مێشووله بۆ ئه‌و شوێنه قه‌ده‌غه بكات.
ئاندری مارچاند، سه‌رۆكی شاره‌وانی كۆمۆنی بریۆللای، به میدیاكانی راگه‌یاند: دوای لافاوه‌كانی مانگی حوزه‌یران ژماره‌یه‌كی زۆری مێشووله روویان كرده بریۆللای كه سێ هه‌زار كه‌سی لێ ده‌ژین و له‌وكاته‌وه دانیشتووان هه‌راسان بوون و چه‌ندین جار داوایان له شاره‌وانی كردووه به هانایانه‌وه بچێت.
هه‌روه‌ها گوتی: ئه‌وه رێگایه‌كی پێكه‌نیناوییه بۆ ئه‌وه‌ی به خه‌ڵك بڵێم كه له‌مڕووه‌وه هیچمان پێ ناكرێت.
گوتیشی: وێڕای ئه‌وه‌ی له زۆر شوێن ته‌ڵه‌ی مێشووله‌گریان داناوه ،به‌ڵام هێشتا خه‌ڵك هه‌راسانه به ده‌ست مێشووله‌وه و ئه‌وانیش شتی زیاتریان پێ ناكرێت.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.