لە مانگی 8 دا هاوردەكردنی بەرهەمی پەلەوەری و بەرووبوومی ئاژەڵی لەگەڵ بەرهەمی ناوخۆ هاوسەنگ دەكرێت ، و لەوەرزی گەرماشدا خواستی هاوڵاتیان لەسەر ماسی زۆرتر دەبێت.
ئەمرۆ چوار شەممە 25.7.2018 ئاوات محەمەد قائیمقامی سلێمانی لە دیوانی قائیمقامییەت لەگەڵ لیژنەی دیاریكردنی بەرووبومی پەلەوەری و ئاژەڵی پارێزگای سلێمانی كۆبووەوە بۆ دیاریكردنی ئەو بەرووبومانەی پرۆتین لە پێكهاتەكەیدا هەیەو ڕۆژانە خواستی هاوڵاتیانی لەسەرە، ئەویش بە رەچاوكردن و هاوسەنگی كردنی لەگەڵ بەرووبوومی ناوخۆ.
لەكۆبوونەوەكەدا بریاردرا بە پێی رێنماییە ڤێترنەرییەكان و پشكنینی تاقیگەیی بۆ مانگی ئاب رێگە بە هاوردەكردنی بەرووبوومی ئاژەڵی بدرێت بۆ پارێزگای سلێمانی بە بڕی 5000 سەر ئاژەڵ و 500 تۆن گۆشتی سور، بەرووبومی پەلەوەریش دیاریكرا بە بڕی 500 تۆن مریشك، 510 تۆن هێلكە، و بەهۆی خواستی زۆری هاوڵاتیانیش رێگە دەدرێت بڕی 2400 تۆن ماسی بۆ هەریەكە لە مانگەكانی 8 و 9 و 10 هاوردە بكرێت.
بەمەبەستی پاڵپشتیكردن لە بەرهەمی ناوخۆ و بە پێی گۆرانكاری وەرزەكان، و بە لەبەرچاوگرتنی خواستی هاوڵاتیان و پركردنەوەی پێویستییەكانی بازار، مانگانە لیژنەی پەلەوەری و بەرووبومی ئاژەڵی بە سەرپەرشتی قائیمقامی سلێمانی و بە پێی لێكۆڵینەوە و داتاو زانیارییەكان بریار لەسەر دیاریكردنی بری بەرهەمی هاوردە دەدرێت.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.