به‌پێى هه‌واڵێكى ڕۆیته‌رز، ڕه‌جه‌ب ته‌یب ئه‌ردۆغان سه‌رۆكى وڵاتى توركیا دوێنى یه‌كشه‌ممه 29ى ته‌مموزى 2018، ڕایگه‌یاندووه، توركیا له ڕووبه‌ڕووبونه‌وه‌ى هه‌ڕه‌شه‌كانى ئه‌مریكادا ده‌وه‌ستێته‌وه ئه‌گه‌ر بێتو دۆناڵد تره‌مپ سه‌رۆكى وڵاته یه‌كگرتووه‌كانى ئه‌مریكا سزا به‌سه‌ر ئه‌نقه‌ره‌دا بچه‌سپێنێت به‌هۆى ئازاد نه‌كردنى قه‌شه ئه‌مریكییه‌كه.
ئه‌ردۆغان ڕایگه‌یاند: دۆستایه‌تى توركیا و ئه‌مریكا له‌سه‌ر هێلێكدایه له‌م كێشه‌یه، یه‌ك هه‌نگاو به‌ره‌و دواوه نانێین كاتێك ڕووبه‌ڕووى سزا ده‌بینه‌وه و هه‌روه‌ها وتى ئه‌مریكا ده‌بێت ئه‌وه له‌یاد نه‌كات كه ئه‌وان هاوكارێكى ڕاستگۆ له‌ده‌ست ده‌ده‌ن ".
ئه‌م لێدوانه‌ى ئه‌ردۆغان له‌دواى ئه‌وه دێت دۆناڵد تره‌مپ سه‌رۆكى وڵاته یه‌كگرتووه‌كانى ئه‌مریكا له تویتێكدا هه‌ڕه‌شه‌ى سه‌پاندنى سزاى قورسى كرد به‌سه‌ر توركیا ئه‌گه‌ر ده‌سته‌جێ قه‌شه ئه‌ندرۆ بره‌نسن ئازاد نه‌كات.
جێى ئاماژه‌یه قه‌شه ئه‌ندرۆ بره‌نسنى ئه‌مریكى و ته‌مه‌ن 50 ساڵ نزیكه‌ى 33 ساڵه له توركیا ده‌ژیت له شارى ئیزمیر و كڵێسایه‌ك به‌ڕێوه ده‌بات.
قه‌شه بره‌نسن له مانگى 12ى 2016ـه‌وه له‌لایه‌ن توركیاوه به تۆمه‌تى سیخوڕى ده‌ستگیركراوه و ئه‌گه‌رى هه‌یه ڕووبه‌ڕووى 35 ساڵ زیندانیكردن ببێته‌وه له چه‌ند ڕۆژى ڕابردوودا به‌هۆى خراپى بارى ته‌ندروستى قه‌شه‌كه له زیندانى گشتییه‌وه گواستراوه‌ته‌وه و له ماڵێكدا وه‌ك زیندانێك ده‌ستبه‌سه‌ره.
ئاماده‌كردن وه‌رگێڕانى/ سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.