به پێی هه‌واڵێكی كیۆدۆی ژاپۆنی ژماره‌ی ئه‌و كه‌سانه‌ی به هۆی كاره‌ساته سرووشتییه‌كان و سه‌ختی كه‌شوهه‌واوه له مانگی ته‌مووز له ژاپۆن گیانیان له‌ده‌ستداوه گه‌یشته ٣٠٠ كه‌س.
دامه‌زراوه‌كانی په‌یوه‌ندیدار به كاره‌ساته‌كان له‌و وڵاته ئاماژه به‌وه ده‌ده‌ن كه له دوو هه‌فته‌ی یه‌كه‌می ئه‌م مانگه‌دا، به هۆی بارانبارینی زۆر و لافاو رۆچوونی زه‌وی ٢٢٢ كه‌س گیانیان له‌ده‌ستداوه و نۆی دیكه‌ش هێشتا چاره‌نووسیان نادیاره.
لایه‌نه په‌یوه‌ندیداره‌كان ئاماژه به‌وه‌ش ده‌ده‌ن كه به هۆی به‌زبوونه‌وه‌ی پله‌كانی گه‌رما بۆ سه‌رووی چل پله‌ی سه‌دی له مانگی ته‌مووزدا، نزیكه‌ی ١٠٠ كه‌س كه كێشه‌ی ته‌ندروستیان هه‌بووه گیانیان له‌ده‌ستداوه.
پشتبه‌ستن به زانیارییه‌كانی ناوه‌ندی كاره‌سات و ئاگركه‌وتنه‌وه بڵاویكرده‌وه كه له ٣٠ی نیسانه‌وه تاكو ٢٩ی ته‌مووز به هۆی شه‌پۆلی گه‌رماوه ١٢٥ كه‌س گیانیان له‌ده‌ست داوه.
کۆمێنت (0)
تا ئێستا هیچ کۆمێنتێک نەکراوە.