هه‌ریه‌كه له iPad, iPhone,iTunes, iPod, ،iMac بریتین له به‌رهه‌مه‌كانی كۆمپانیای ئه‌پل ، واته پیتی i له سه‌رجه‌م دروستكراوه‌كانی ئه‌م كۆمپانیایه بوونی هه‌یه ، به‌لام زۆربه‌مان نازانین مه‌به‌ست له‌م پیته چیه .
پیتی ئای له ئێستادا بووه به نیشانه‌یه‌ك كه ئامێره‌كانی ئه‌پلی پێده‌ناسرێته‌وه ، دیاره ئه‌وه‌ش له كاتێكدایه كه کۆمپانیاکە لە ساڵی 1998 کۆمپیوتەری ماکینتۆشی بەرهەمهێنا کە ناوی لێنابوو iMac .
له‌م كاته‌ی "ستیڤ جۆبس " ئامێری ئای مكدی خسته‌روو ، دامەزرێنەری کۆمپانیای ئەپڵ، پەیوەندی نێوان پیتی I و بەرهەمە نوێکەی بۆ ئامادەبووان ڕوونکردەوه ، جۆبس وشەی iMac ده‌گه‌رێنێته‌وه بۆ پێکەوە گونجانی نێوان ئینتەرنێت و ماکینتۆش لە بەکارهێناندا .
كاتێك له ساڵی 2007 ئایفۆن به‌رهه‌مهێنرا یەکێک لە سێ هۆکاری شێوازی دروستکردنەکەی بریتی بوو لە پەیوەندی ئینتەرنێتی ، لەوکاتەوە سەرجەم ئامێرەکانی کۆمپانیای ئەپڵ سیستمی پەیوەستبوونیان بە ئینتەرنێتەوە تێدا بنیاتنراوە و پاشان پێشگری I ئەو پەیوەست بوونەی بە مانا دیاریکراوەکەی لەدەستدا، بۆیە بوو بە نیشانەی ناسینەوەی مارکەی ئەپڵ .
کۆمێنت (0)
تا ئێستا هیچ کۆمێنتێک نەکراوە.