گۆرانیبێژی كورد "هه‌ڵوێست محه‌مه‌د " تازه‌ترین ئه‌لبوومی خۆی له ژێر ناوی " 700 دینار " بلاوده‌كاته‌وه .
ئه‌م هونه‌رمه‌نده له هه‌ژماری تایبه‌تی خۆی له تۆری كۆمه‌ڵایه‌تی " ئینستاگرام " ئاشكرایده‌كات ، له رێكه‌وتی 8/8/2018 نوێترین به‌رهه‌می هونه‌ری خۆی كه بریتییه له ئه‌لبوومێكی گۆرانی به ناوی " 700 دینار " بڵاوده‌كاته‌وه ، هه‌روه‌ها ئاماژه‌ی به‌وه كردووه كه ئه‌لبوومی " 700 دینار " له ژماره‌یه‌ك تراكی جیاواز پێكهاتووه .
هونه‌رمه‌ند " ئه‌فشین شوكری " كاری دابه‌شكردنی میوزیكی بۆ سه‌رجه‌م گۆرانییه‌كانی نێو ئه‌لبووكه ئه‌نجامداوه ، هه‌روه‌ها هه‌ڵوێست كلیپێكیش بڵاوده‌كاته‌وه كه " هونه‌رمه‌ند " بریار فه‌تاح " كاری ده‌رهێنانی بۆ كردووه .
ئه‌م گۆرانیبێژه خه‌ڵكی شاری سلێمانییه ، خاوه‌نی ژماره‌یه‌ك له ڤیدیۆ كلیپ و گۆرانییه ، له‌م ساڵدا ژماره‌یك گۆرانی بڵاوكردووه‌ته‌وه كه دیارترینیان گۆرانی " مام لالۆ " بوو ، كه ده‌نگدانه‌وه‌یه‌كی زۆری به‌دوای خۆیدا هێنا .
کۆمێنت (0)
تا ئێستا هیچ کۆمێنتێک نەکراوە.