به‌رپرسانی ویلایه‌تی په‌روانی ئه‌فغانستان رایانگه‌یاندووه كه هێرشێكی خۆكوژیی له نێوان سه‌ربازانی بیانی و ئه‌فغانیدا ئه‌نجامدراوه و به‌م هۆیه‌وه سێ سه‌ربازی ناتۆ كوژران.
وه‌حیده شه‌هكار وته‌بێژی والی په‌روان له‌مباره‌یه‌وه وتی كه له‌كاتی سوڕانه‌وه‌ی هاوبه‌شی هێزه بیانییه‌كان و هێزه ئه‌منییه‌كانی ناوخۆی ئه‌فغانستان له نزیك شاری چاریكار له ناوچه‌ی " خه‌لا زایی " ئه‌م هێرشه خۆكوژییه ئه‌نجامدراوه.
به وته‌ی شه‌هكار هێرشبه‌ره‌كه پیاده بووه و به‌بێ ئه‌وه‌ی سواری هیچ كه‌ره‌سته‌یه‌كی هاتووچۆ بووبێت خۆی كردووه به‌ناو هێزه ئه‌منییه‌كانی ئه‌فغانستان و هه‌روه‌ها هێزه بیانییه‌كاندا و خۆی ته‌قاندووه‌ته‌وه.
هێزه‌كانی پشتیوانیی یه‌كلاكه‌ره‌وه به رێبه‌رایه‌تیی ناتۆ له به‌یاننامه‌یه‌كدا رایگه‌یاندووه كه به‌هۆی ئه‌م هێرشه‌وه سێ سه‌ربازی ناتۆ كوژراون و سه‌ربازێكی ئه‌مریكیی و دوو سه‌ربازی ئه‌فغانیش بریندار بوونه.
شایه‌نی باسه كه تاڵیبان به‌رپرسیارێتیی هێرشه‌كه‌ی گرتووه‌ته ئه‌ستۆ و له راگه‌یاندنه‌كانی خۆیدا باسی له كوژرانی 8 سه‌ربازی ئه‌مریكیی كردووه.
سه‌رچاوه / بی بی سی
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.