ئه‌مڕۆ یاریه‌کانى پاڵه‌وانێتى هه‌ڵبژارده‌ى تازه‌ پێگه‌یشتوانى پارێزگاکانى کوردستان به‌ڕێوه‌ده‌چێت

ئه‌مڕۆ یه‌ك شه‌ممه‌ یاریه‌كانى پاڵه‌وانێتى هه‌ڵبژارده‌ی تازه‌پێگه‌یشتوانى  پارێزگاكانى كوردستان له‌هه‌ردوو شارۆچكه‌ى پیرمام و شه‌قڵاوه‌ به‌ڕێوه‌ده‌چێت ،  به‌پێى ڕاگه‌یاندراوی یه‌كێتى تۆپى پێى كوردستان ئێواره‌ى دوێنێ  لە شارۆچکەی شەقڵاوە، بە ئامادەبوونی نوێنەری یەکێتی لقی شارەکان (هەولێر، سلێمانی، دهۆک و کەرکووک) کۆبوونەوەی هونەری و تیروپشکی پاڵەوانیەتی تۆپی پێی هەڵبژاردەی تازەپێگەیشتووانی پارێزگاکانی کوردستان  ئه‌نجامدرا ، كه‌ یاریه‌كان له‌ یاریگەکانی یانەی شەقڵاوە و یانەی ئارارات به‌ڕێوه‌ده‌چێت به‌م شێوه‌یه‌ 

هەولێر ـ کەرکووک ـ یاریگەی: شەقڵاوە ـ کات: 5:00
سلێمانی ـ دهۆک ـ یاریگەی: ئارارات ـ کات: 5:00

تێبینی : پاڵەوانیەتیەکە بە شێوازی دەرچوون بە دوو دۆڕان دەبێت و لە 2018/8/12 تا 2018/8/15 بەردەوام دەبێت.

شوان عه‌زیز