له‌چوارچێوه‌ی چالاكییه‌كانی یه‌كێتی گشتی ئه‌دیب و نوسه‌رانی عێراق، وه‌فدێكی باڵای یه‌كێتییه‌كه سه‌ردانی شاری هه‌ولێریان كرد به‌مه‌به‌ستی پێشكه‌شكردنی خه‌ڵاتی رێزلێنان و به‌رزنرخاندنی پۆلێك له ئه‌دیب و شاعیر و داهێنه‌رانی بواری وێژه‌ی كوردی له سنووری پارێزگای هه‌ولێر.
وه‌فده‌كه‌پێكهاتبوو له ئیبراهیم خه‌یات ئه‌مینداری گشتی و حوسێن جاف جێگری یه‌كه‌می ئه‌میندار و سه‌عد جه‌میل فه‌تتاح ئه‌ندامی ده‌سته‌ی گشتی یه‌كێتی گشتی ئه‌دیب و نووسه‌رانی عێراق، به ئاماده‌بوونی سۆران عه‌بدولڕه‌حمان سه‌رۆكی كۆمه‌ڵه‌ی چاپخانه‌كانی كوردستان و عه‌بدولڕه‌حمان فه‌رهادی سه‌رۆكی لقی هه‌ولێری یه‌كێتی نوسه‌رانی كورد و ئاماده‌بوونی ژماره‌یه‌ك له ئه‌دیب و رۆشنبیران، خه‌ڵاتی رێزلێنانی جه‌واهیری له‌لایه‌ن ئیبراهیم خه‌یات ئه‌مینداری گشتی یه‌كێتییه‌كه پێشكه‌ش به خه‌سرۆ جافی رۆماننووس و ئه‌دیب و ئه‌ندازیاری كورد كرا.
سۆران عه‌بدولڕه‌حمان سه‌رۆكی كۆمه‌ڵه‌ی چاپخانه‌كانی كوردستان، ستایشی ئه‌م به‌سه‌ركردنه‌وه‌یه‌‌ی یه‌كێتی گشتی ئه‌دیب و نووسه‌رانی عیراقی كرد بۆ رێزلێنان له خه‌سرۆ جاف، كه هه‌میشه رۆلێكی داهێنه‌رانه‌ی هه‌یه له بواره‌كانی ئه‌ده‌ب و هونه‌ر و رۆشنبیریی كوردیدا.
كوردستان تیڤی/ كامران حاجی
کۆمێنت (0)
تا ئێستا هیچ کۆمێنتێک نەکراوە.