بۆ ئه‌نجامدانى ئاهه‌نگێكى هونه‌رى له یه‌كێك له ڕێستورانته‌كان ، گۆرانیبێژی ناسراوی كورد " سامان عومه‌ر " له چواره‌م شه‌وی جه‌ژندا له هه‌ولێر ده‌بێت .
سامان ئاشكرایده‌كات ، له ئێستادا سەرقاڵی تۆماركردنی دوو بەرهەمی نوێیە و بەنیازە لە داهاتوویەكی نزیكدا بڵاویان بكاتەوە ، وتیشی یەكێكیان كاری هۆنراوە و ئاوازی تەواو بووە وته‌نیا كاری موزیك ماوە، لەدەرفەتێكی نزیك بڵاوی دەكاته‌وه .
ئه‌م گۆرانیبێژه لەماوەی ڕابردوو بەمەبەستی تۆماركردنی چەند بەرهەمێكی نوێ بەشێوەی تاك سەردانی كوردستانی كردەوە بۆ ئەوەی لەنزیكترین كاتدا بڵاویان بكاته‌وه ،بریاربوو پێشتر هونەرمەند " سامان عومەر و كامەرانی عومەر"ی برای كۆنسێرتێك ساز بكەن، بەڵام ئەو كۆنسێرتە ئەنجام نەدرا، به‌هۆى ئه‌وه‌ى كه‌وته ناو مانگی ڕەمەزان .
سامان عومه‌ر له شاری سلێمانی له دایك بووه و له ساڵی 1993 بۆ یه‌كه‌مجار ده‌ستی به كاری هونه‌ری كردووه ، لە ساڵی 1996 یەكەم ئەلبومی بەناوی (ماڵئاویی دڵ) بڵاو كردووه‌تەوە و ئەو ئەلبومەی لە حەوت تراك پێك هاتووە ، تائێستا چوار ئەلبوم و دوو گۆرانی سینگڵى تۆمار کردووە ، گۆرانی " تۆم ده‌وێ " دوایین به‌رهه‌می هونه‌ری ئه‌م گۆرانیبێژه بو كه ده‌نگدانه‌وه‌یه‌كی زۆر باشی هه‌بوو .
کۆمێنت (0)
تا ئێستا هیچ کۆمێنتێک نەکراوە.