له شاره‌كانی بورسا، ئه‌سكیشه‌هیر، باڵكئه‌سیر، كوتاهیا، چاناككاله، بیله‌جیك و یاڵۆڤا و عه‌نته‌ب و زۆر ناوچه‌ی دیكه‌ی توركیا، 403 كه‌س كه له‌كاتی سه‌ربڕینی قوربانیدا برینداربوون، ره‌وانه‌ی نه‌خۆشخانه كران.
له شاری بورسا، 100 كه‌س ره‌وانه‌ی نه‌خۆشخانه كراون كه له‌كاتی سه‌ربرینی قوربانیدا به‌بۆنه‌ی جه‌ژنی قوربانه‌وه به چه‌ند شێوه‌یه‌ك برینداربوون. زۆربه‌ی برینداره‌كان برینه‌كانیان له قاچیاندابووه و پاش وه‌رگرتنی چاره‌سه‌ر نه‌خۆشخانه‌یان جێهیشتووه.
له شاری ئه‌سكیشه‌هیر 113 كه‌س له‌كاتی سه‌ربرینی قوربانییه‌كاندا برینداربوون و، به هاوكاری كه‌سانی ده‌وروبه‌ریان یان ئۆتۆمبێلی فریاكه‌وتن ره‌وانه‌ی نه‌خۆشخانه كراون.
هه‌روه‌ها له شاره‌كانی كوتاهیا 84 كه‌س له‌كاتی سه‌ربڕینی ئاژه‌ڵانی قوربانییدا برینداربوون، له چاناككاله 57، له یاڵۆڤا 23 و له باڵكئه‌سیر شه‌ش كه‌س برینداربوون كه زۆربه‌ی هۆكاری برینداربوونیان برینی ده‌ست و قاچیان بووه له‌كاتی قوربانی كردنه‌كه‌دا، یان گورزی ئاژه‌ڵی قوربانییه‌كه‌یان به‌ركه‌وتووه.
کۆمێنت (0)
تا ئێستا هیچ کۆمێنتێک نەکراوە.