كچه په‌یكه‌رتاشى شارى سلێمانى " ئاسۆس جاف " سه‌رقاڵی دروستكردنی په‌یكه‌رێكه بۆ هونه‌رمه‌ندی ناسراوی كورد " هۆمه‌ر دزه‌یی " .
ئه‌م هونه‌رمه‌نده په‌یكه‌رتاشه ئاشكرایده‌كات ، له ئێستادا سه‌رقاڵى په‌یكه‌رێكه بۆ هونه‌رمه‌ندى كورد " هۆمه‌ر دزه‌یى" دواى ته‌واوكردنى كاره‌كه‌شى به‌دواى شوێنێكى گونجاو ده‌گه‌ڕێت بۆئه‌وه‌ى په‌یكه‌ره‌كه‌ى تێدا نمایش بكرێت ، وتیشی ئه‌مه یه‌كه‌م په‌یكه‌ر نییه بۆ هونه‌رمه‌ندانى كورد دروستى بكات .
یه‌كه‌مین كاری ئه‌م هونه‌رمه‌نده دروستكردنی په‌یكه‌رێك بوو بۆ هونه‌رمه‌ندی كۆچكردوو شه‌ماڵ سایب وه دواتر پرۆژه‌ی سێگۆشه‌ی سێگوچكه‌ی بابان و ئارین جاندۆ و چه‌ندین په‌یكه‌ری تر.
ئاسۆس تا ئێستا خاوه‌نی شه‌ش كاره، كه هه‌موویان له سه‌ر شه‌قامه‌كانی ده‌ره‌وه و ناوه‌وه‌ی شاری سلێمانین ، چه‌ندان په‌یكه‌ری بچوكیشی هه‌یه، هێشتا له هیچ شوێنێك نمایشی نه‌كردوون، جیا له‌مانه‌ش خاوه‌نی ٢٣ پێشه‌نگای هاوبه‌شه له وڵاتانی فه‌ڕه‌نسا و توركیا و به‌غداد .
ئاسۆس جاف له ساڵی 1989 له شاری سلێمانی له دایك بووه و له ساڵی 2007 ه‌وه ده‌ستی به كاری هونه‌ری په‌یكه‌رتاشی كردووه و یه‌كه‌م په‌یكه‌ری به ناوی دایك بووه .
کۆمێنت (0)
تا ئێستا هیچ کۆمێنتێک نەکراوە.