له یه‌كێك له نه‌خۆشخانه‌كانی بۆینس ئایرسی پایته‌خت پۆلیسێكی ئه‌رژه‌نتینی وه‌ك كارێكی مرۆڤانه شیر به منداڵێك ده‌دات ئه‌و كاته‌ی ده‌بینێ به‌ته‌نیایه‌و له‌به‌ر برسییه‌تی ده‌گرێت.
له كاتی ده‌وامی فه‌رمی خۆیدا سیلیستا ئه‌یالا سه‌ردانی نه‌خۆشخانه‌ی "لاباتا" بۆ منداڵان ده‌كات، ده‌بینێ منداڵێكی ته‌نیا له‌برسان زۆر به‌توندی ده‌گرێت و هیچ په‌رستارێكیش بایه‌خی پێ نادات، بۆیه منداڵه‌كه له ئامێزی خۆی ده‌كات و شیری مه‌مكه‌كانی پێده‌دات.
له‌كاتی شیر پێ دانه‌كه‌شی یه‌كێك له هاوكارانی وێنه‌ی ده‌گرێت له تۆڕه كۆمه‌ڵایه‌تییه‌كان بڵاوی ده‌كاته‌وه.
بڵاوبوونه‌وه‌ی وێنه‌كه‌ش كاردانه‌وه‌یه‌كی زۆر له ئه‌رژه‌نتین و جیهان به‌دوای خۆیدا ده‌هێنێ و حكومه‌تی ئه‌رژه‌نتینیش وه‌ك پاداشتێك پۆلیسه‌كه خه‌ڵات ده‌كات.
پۆلیس هیچ روونكردنه‌وه‌یه‌كی له باره‌ی كه‌سوكاری منداڵه‌كه نه‌داوه.
ئاماده‌كردنی / رزگار
کۆمێنت (0)
تا ئێستا هیچ کۆمێنتێک نەکراوە.