وه‌زاره‌تی بازرگانی چین رایگه‌یاند به رێژه‌ی له‌سه‌دا 25 باجی زیاده‌یان خستووه‌ته سه‌ر به‌رهه‌مه‌كانی دروستكراوی ئه‌مریكا کە بەهاکەی دەگاتە 16 ملیار دۆلار.
له راگه‌یه‌ندراوێكدا كه له لایه‌ن وه‌زاره‌تی بازرگانی چینه‌وه بڵاوكراوه‌ته‌وه، ئاماژه به‌وه كراوه كه له‌به‌رامبه‌ر بڕیاری ئه‌مریكا بۆ دانانی باجی زیاده له‌سه‌ر كه‌لوپه‌لی چینی به‌ڕیژه‌ی له‌سه‌دا 25 كه 16 ملیار دۆلار ده‌گرێته‌وه، حكوومه‌تی په‌كین هه‌نگاوی هاوشێوه‌ی گرتۆته‌به‌ر .
چین جه‌ختی له‌سه‌ر ئه‌وه كرده‌وه كه پارێزگاری له بازرگانی ئازاد و سیسته‌می فره بازرگانی ده‌كات و په‌نا بۆ میكانیزمی رێكخراوی بازرگانی جیهانی ده‌بات بۆ چاره‌سه‌ری ناكۆكییه‌كان.
حكوومه‌تی چین له 8ی ئابدا رایگه‌یاندبوو كه وه‌ك وه‌ڵامدانه‌وه‌یه‌ك بۆ بڕیاری ئه‌مریكا بۆ دانانی باجی زیاده له‌سه‌ر كه‌لوپه‌لی چین به‌رێژه‌ی له‌سه‌دا 25 كه 16 ملیار دۆلار ده‌گرێته‌وه، باجی زیده به‌رێژه‌ی له‌سه‌دا 25 كه 16 ملیار له‌خۆده‌گرێت ده‌خاته سه‌ر كه‌لوپه‌لی ئه‌مریكا، ئه‌مرۆش 23ی ئاب ئه‌و بڕیاره‌ی خسته‌بواری جێبه‌جێكردنه‌وه.
کۆمێنت (0)
تا ئێستا هیچ کۆمێنتێک نەکراوە.