هونه‌رمه‌ندی به ئه‌زموونی شاری هه‌ولێر " ئه‌یاد عه‌بدولڵا مه‌خموری " پێشانگایه‌كی فۆتۆگرافی له هۆڵی میدیا له شاری هه‌ولێر كرده‌وه كه 30 تابلۆی دیمه‌نی سروشتی كوردستانی له خۆ گرتبوو و هه‌ر یه‌ك له تابلۆكانیش له گۆشه‌نیگایه‌كه‌وه گیرابوون .
هونه‌رمه‌ندی فۆتۆگراف " ئه‌یاد عه‌بدولڵا " ئاشكرایده‌كات ، كه ماوه‌ی 3 ساڵه خۆی بۆ كردنه‌وه‌ی ئه‌م پێشانگایه ئاماده‌كردووه و كاری به‌رده‌وامیشی بۆ كردووه ، وتیشی له‌م پێشانگایه‌دا 30 تابلۆی خستۆته به‌رچاو كه 29 له تابلۆكانی گوزارشت له سروشتی ره‌نگینی كوردستان ده‌كه‌ن به تایبه‌ت له وه‌رزه جیاجیاكاندا .
یه‌كێك له تابلۆكانی ئه‌م هونه‌رمه‌نده باس له‌وه ده‌كات كه ئێمه وه‌ك پێویست ژینگه‌ی خۆمان خۆش ناوێت و هه‌میشه پیسی ده‌كه‌ین ، هه‌روه‌ها 10 تابلۆی نێو پێشانگاكه ته‌عبیرین كه تایبه‌ته به ستایلی كاركردنی خودی هونه‌رمه‌ند كه كاری له‌سه‌ر دره‌ختی كالیتۆس كردووه كه ئه‌زموونێكی ده‌وڵه‌مه‌ندی له‌باره‌یه‌وه هه‌یه و ساڵانێكی زۆره له‌گه‌ڵیدا ده‌ژیت .
کۆمێنت (0)
تا ئێستا هیچ کۆمێنتێک نەکراوە.