له شارۆچكه‌ی باشكاله‌ی وان، 120 كۆچبه‌ر كه به شێوه‌یه‌كی نایاسایی چووبوونه نێو توركیاوه، ده‌ستگیركران.
له میانی گه‌ڕانی ده‌ورییه‌ی تیمه‌كانی فه‌رمانده‌یی جه‌ندرمه له شارۆچكه‌كه، گرووپێكیان له خه‌ڵك له نێوان گه‌ڕه‌كه‌كانی كه‌شكۆڵ و ئه‌شمه‌پناری سه‌ر سنووری ئێران بینیوه و وه‌ستاندوویانن. له پشكنینه‌كاندا ده‌ركه‌وتووه كه 120 كه‌سی ئه‌فغانستانی و پاكستانیین كه 39 یان منداڵن و به نایاسایی چوونه‌ته نێو توركیاوه.
كۆچبه‌ره نایاساییه‌كان دوای ئه‌وه‌ی له نه‌خۆشخانه‌ی گشتیی باشكاله پشكنینی ته‌ندروستییان بۆ كرا، ره‌وانه‌ی به‌رێوه‌به‌رایه‌تی فه‌رمانگه‌ی كۆچ له پارێزگاكه كران.
کۆمێنت (0)
تا ئێستا هیچ کۆمێنتێک نەکراوە.