سه‌رۆك بارزانی په‌یامێكی هاوخه‌می سه‌باره‌ت بۆ بۆردومانی كۆماری ئیسلامی ئێران بۆ سەر بارەگاكانی حیزبی دیموكرات لە شاری كۆیە بڵاوكرده‌وه ئه‌مه ده‌قه‌كه‌یه‌تی:
بەناوی خودای بەخشندە و میهرەبان
بە پەلاماری مووشەكی و بۆردومانی كۆماری ئیسلامی ئێران بۆ سەر بارەگاكانی حیزبی دیموكرات لە شاری كۆیە زۆر نیگەران و خەمبارم بە تایبەت كە زیانێكی زۆری گیانی و ماددی بەجێهێشتووە.
لە كاتێكدا كە ئیدانەی ئەو پەلامارانه دەكەم، سەرەخۆشیی خۆم ئاراستەی كەسوكاری شەهیدانی ئەو پەلامارە دەكەم و هیوای چاكبوونەوە بۆ برینداران دەخوازم.
داوا لە هەموو لایەكیش دەكەم كە هەرێمی كوردستان نەكرێتە گۆڕەپانی ململانێ، چونكە خودی هەرێم كێشە و تەحەددیات و هەڕەشەی گەورەی لەبەردەمە.
بە پێویستیشی دەزانم ئەوە بە گشت لایەك ڕابگەیێنم كە كێشەی گەلی كورد بە توندوتیژی و كوشتن و بوردومان چارەسەر ناكرێت و ڕێگە و شێوازی ئاشتیانە باشترین چارەسەرە بۆ هەموو كێشەكان.
مسعود بارزانی
8ـی 9ـی 2018
کۆمێنت (0)
تا ئێستا هیچ کۆمێنتێک نەکراوە.