به مه‌به‌ستی به‌شداریكرنی له كه‌رنه‌ڤاڵی رۆژی ئاشتی كه بریاره به‌م نزیكانه له شاری هه‌ولێر ئه‌نجامبدرێت ، گۆرانیبێژی ناسراوی كورد " هانی " ده‌گه‌رێته‌وه كوردستان و گۆرانی له‌و كه‌رنه‌ڤاڵه‌دا ده‌ڵێت .
كه‌رنه‌ڤاڵی رۆژی ئاشتی پرۆژه‌یه‌كی جیهانییه و بریتییه له سازكردنى كه‌رنه‌ڤاڵێك به به‌شداریى وڵاتانى دنیا كه چالاكى جۆراوجۆرى ناوخۆیی و جیهانیى تێدا پێشكه‌ش ده‌كرێت.
به‌ڕێوه‌به‌رى ئه‌و پڕۆژه‌یه " هه‌ستیار شێخانى " ئاشكرایده‌كات ، بۆ سازكردنى كه‌رنه‌ڤاڵێك له‌ژێر ناوى "كه‌رنه‌ڤاڵى ڕۆژى ئاشتى " ئاماده‌كاری ته‌واو كراوه كه تێیدا كوردستان له‌سه‌ر ئاستى جیهانى و شانبه‌شانى وڵاتانى دنیا به‌شدارى ده‌كات ، ئه‌مه‌ش ده‌بێته زه‌مینه‌یه‌ك بۆ ئاهه‌نگى موزیكى و كولتوورى و هونه‌ریى ئاشتى، له هه‌رێمى كوردستاندا .
ئه‌م كه‌رنه‌ڤاڵه كه به‌هه‌زاران میوان ئاماده‌ى ده‌بن و به ملیۆنان كه‌س له ته‌واوى دنیا بینه‌رى ئه‌و چالاكییه ده‌بن له‌ڕێى میدیا و سۆشیال میدیاوه ، له 18ی ئه‌م مانگه له شاری هه‌ولێر ده‌ست پێ ده‌كات و له 21ی هه‌مان مانگ له سلێمانى و ڕۆژانى دیكه‌ی هه‌فته له دهۆك و كه‌ركووك و هه‌ڵه‌بجه ئه‌نجامده‌درێت .
جێی باسه ژماره‌یه‌ك هونه‌رمه‌ندی كورد و وڵاتانی ده‌وروبه‌ر به‌شداری ئه‌م كه‌رناڤاڵه ده‌كه‌ن و گۆرانیبێژی ناسراوی كورد " هانی " به ده‌نگه خۆشه‌كه‌ی به‌شداری كه‌رناڤاله‌كه ده‌كات و به ده‌نگه خۆشه‌كه‌ی گۆرانی بۆ ئاشتی ده‌ڵێت .
کۆمێنت (0)
تا ئێستا هیچ کۆمێنتێک نەکراوە.