له‌گه‌ل ئه‌وه‌ی كه وانه‌ی بیركاری سوودێكی زۆری بۆ مرۆڤ هه‌یه ، به‌ڵام له هه‌مان كاتدا زۆربه‌ی هه‌ره زۆری قوتابیان له گشت سته‌یگه‌كانی " stage " خوێندن حه‌ز له‌م وانه‌یه ناكه‌ن و به بابه‌تێكی گران بۆ تێگه‌یشتن له قه‌له‌می ده‌ده‌ن .
ماڵپه‌ری " مه‌وزووع " ی عه‌ره‌بی ژماره‌یك له سووده‌كانی بیركاری له ژیانی رۆژانه‌ماندا بیرده‌خاته‌وه و ئاشكرایده‌كات كه جگه له‌و سوودانه‌ی كه بۆ زیره‌كی مێشك و گه‌شه‌كردنی ئاستی ڕۆشنبیری هه‌ر تاكێك پێویسته ، یارمه‌تی یاریزانان ده‌دات به ڕاستترین ڕێ یارییه‌كانیان ئه‌نجام بده‌ن و به‌هۆی زانینی شێوازه ئه‌ندازه‌ییه‌كانیانه‌وه له شێوه‌ی ناو یاریگا تێبگه‌ن و تۆپ بۆ لای گونجاو هه‌ڵده‌ن .
ئه‌م مالپه‌ره سوودێكی دیكه‌ی بیركاریمان بۆ روونده‌كاته‌وه ، كه یارمه‌تیمان ده‌دات له ژیانی ڕۆژانه‌ماندا بتوانین به باشترین شێوه بازاڕ بكه‌ین و پێداویستییه‌كانمان به پاره‌ی خۆیان بكڕین، ئه‌گه‌ر له بیركاری بزانین، هیچ كه‌س ناتوانێ فێڵمان لێ بكات و نرخی هه‌ڵه‌مان پێ بڵێت .
بیركاری له‌كاتی ئاماده‌كردنی خواردن یارمه‌تیده‌رمان ده‌بێت و پێویسته به شێوه‌یه‌كی بیركارییانه بڕی پێداویستییه‌كان ئاماده بكه‌ین و له ژه‌مه‌كه‌ماندا به‌كاری بهێنین، ده‌نا بڕه‌كان گونجاو نابن و خواردنه‌كه به‌ده‌ستمانه‌وه ئاماده نابێت ، هه‌روه‌ها ده‌توانین به جوانی له خه‌رجییه‌كانی چوونه گه‌شتت تێبگه‌ین و پێش ئه‌وه‌ی بڕۆین، بڕه پاره‌ی گونجاومان لابێت، ئه‌گه‌ر نه‌بوو نه‌ڕۆین، بۆ ئه‌وه‌ی تووشی كێشه نه‌بین .
کۆمێنت (0)
تا ئێستا هیچ کۆمێنتێک نەکراوە.