گۆڤاری " نێل مه‌گه‌زین " كه گۆڤارێكی جیهانییه و تایبه‌ته به هه‌ڵبژاردنی كه‌سایه‌تییه سه‌ركه‌وتووه‌كانی جیهان ،" سارا عومه‌ر " ی وه‌ك شاژنی ئه‌ده‌بیاتی دانیمارك ناساند .
ئه‌م گۆڤاره كه به 29 زمان ژماره‌ی لێ چاپده‌كرێت ، له دوایین ژماره‌یدا چه‌ندان كه‌سایه‌تی به‌ناوبانگی له بواره جیاجیاكاندا له لاپه‌ره‌كانیدا هه‌ڵبژاردووه ، له بواری ئه‌ده‌بیاتیشدا كچه كوردێك به ناوی "سارا عومه‌ر" هه‌ڵبژێردرا و وه‌ك شاژنی ئه‌ده‌بیاتی دانیمارك ناسێنرا .
ئه‌م گۆڤاره ئاشكرایده‌كات " سارا عومه‌ر " ی نووسه‌ر یه‌كێكه له‌و كه‌سه به‌ناوبانگ و به‌هێزانه‌ی له بواری مافه‌كانی ژنان و منداڵان هه‌وڵی زۆری داوه ، وتیشی ته‌نیا به نووسینی كتێبی " مردووشۆر" ئه‌م كچه نووسه‌ره توانی له ماوه‌ی شه‌و و ڕۆژێكدا ببێته خاوه‌ن نازناوی گه‌وره‌ترین نووسه‌ر له دانیمارك .
سارا عومه‌ر له شاری سلێمانی له ساڵی 1986 له دایك بووه ، له ساڵی 2001ه‌وه له دانیمارك نیشته‌جێیه و له‌و وڵاته ژیان به‌سه‌ر ده‌بات ، له زانكۆی ئارهۆس به‌شی یاسایی ته‌واو كردووه و خاوه‌ن بڕوانامه‌ی به‌كالۆریۆسه له زانسته سیاسییه‌كان و ئێسته خوێندكاری ماسته‌ره له زانسته سیاسییه‌كان و له‌سه‌ر ئاستی نێوده‌وڵه‌تی خاوه‌نی ژماره‌یه‌كی زۆر خه‌ڵاته .
کۆمێنت (0)
تا ئێستا هیچ کۆمێنتێک نەکراوە.