هێزەكانی پۆلیسی پارێزگای سلێمانی چوار تۆمەتباریان دەستگیركرد كە لەڕێی تۆڕی كۆمەڵایەتی فەیسبووكەوە كڕین و فرۆشتنیان بە چەكەوە كردووە.
لهڕاگهیاندراوێكدا كهوێنهیهك دهست ماڵپهرى كوردستان تیڤى كهوتووه ، بهڕێوهبهرایهتى پۆلیسى پارێزگای سلێمانى ڕایدهگهێنێت ، پاش ئەوەی زانیاری كۆكرایەوە لەسەر چەند تۆمەتبارێك كە لە ڕێگەی تۆڕی كۆمەڵایەتی فەیسبووكەوە كڕین و فرۆشتنیان بە چەكەوە كردووە ، ئەمڕۆ 7-10-2018 هێزەكانی بنكەی پۆلیسی سەرای سەر بە بەشی پۆلیسی ناوشار ڕۆژهەڵات بە هاوكاری هێزەكانی ئاسایشی ناوبازاڕ توانییان چوار تۆمەتبار دەستگیر بكەن و دەستیش بگرن بەسەر چوار دەمانچەو چەند فیشەك و پارچە دەمانچەیەكدا.
پۆلیس ڕاشیدهگهێنێت ، تۆمەتباران كوردن و دانیشتوی شاری سلێمانین و چەكەكانیان بە كەسانی خوار تەمەن 18 ساڵ فرۆشتووە ، لە ئێستاشدا تۆمەتباران بە فەرمانی دادوەر و بەپێی ماددەی 21 ی چەك ڕاگیراون و لێكۆڵینەوەی ورد لە لایەن هێزەكانی پۆلیس دەستیپێكردووە.
شوان عهزیز
کۆمێنت (0)
تا ئێستا هیچ کۆمێنتێک نەکراوە.