به ھۆی ڤایرۆسی ئهنفلۆنزای بهرازهوه، ١٨٠ كهس له ویلایهتی راجستان باكووری رۆژئاوای ھیندستان گیانیان لهدهستداوه.
میدیاكانی ھیندستان له چهند سهرچاوهیهك له وهزارهتی تهندروستی ئهو وڵاتهیان گواستووهتهوه كه له سهرهتای ئهمساڵهوه تا ئێستا، ھهزار و ٧٦٦ حاڵهتی تووشبوون به ڤایرۆسی ئهنفلۆنزای بهراز تۆماركراون.
به گوتهی سهرچاوهكان لهو ژمارهیه تا ئێستا، ١٨٠ كهس گیانیان لهدهستداوه، ئهمه وێرای ئهوهی لهم دوو مانگهی دواییدا به شێوهیهكی بهرچاو ژمارهی تووشبوون به ڤایرۆسهكه بهرزبووهتهوه.
ھاوكات وهزارهتی تهندروستی ھیندستان، ھاووڵاتییانی ئاگاداركردووهتهوه كه رێوشوێنی پێویست له بواری پاكوخاوێنی به ئامانجی خۆپاراستن له ڤایرۆسی ئهنفلۆنزای بهراز بگرنهبهر.
کۆمێنت (0)
تا ئێستا هیچ کۆمێنتێک نەکراوە.