به‌پێى هه‌واڵێكى سپوتنیكى روسى، دوێنێ سێشه‌ممه 9ى تشرینى یه‌كه‌م 2018، به‌هۆى بارانێكى به‌خۆر لافاوێك شارۆچكه‌ى ساینت لۆره‌نس دیس كارداساری سه‌ر به شارى ماجۆركا و ده‌ورووبه‌رى نوقمى ئاو كردووه به‌هۆیه‌وه 5 كه‌س گیانیان له‌ده‌ستدا و 9 كه‌سى دیكه‌ش بێ سه‌رو شوێن بوون .
به پێى ئاماره سه‌ره‌تاییه‌كانى حكومه‌تى ئیسپانیا 2 كه‌سى به‌ریتانى گیانیان له ده‌ستداوه كه له ناو ئۆتۆمبێلى ته‌كسى بوونه له كاتێدا ئۆتۆمبێله‌كه گیربووه له‌ناو لافاوه‌كه.
تیمى خزمه‌تگوزارى بارى ناكاو له تویتێكدا رایانگه‌یاند: "ژماره‌ى قوربانیان به‌هۆى لافاوه‌كه‌ى دوێنێ به‌رز بووه‌ته‌وه بۆ 8 كه‌س، هه‌روه‌ها خه‌ڵكى ئه‌و گه‌ڕه‌كانه‌یان له سه‌ربانى خانووه‌كان و په‌نچه‌ره‌كانه‌وه ڕزگار كردووه و له ڕێگه‌ى فڕۆكه‌ى فریاكه‌وتن هاوكات هه‌وڵى ئه‌وشیان داوه پێوه‌رى زیانه‌كانى ئه‌و شارانه بسه‌نگێنن".
كارمه‌ندانى فریاكه‌وتن به‌دواى بزربووان ده‌گه‌ڕێن و زیاتر له 100 كه‌س له شارۆچكه‌كه ماڵیان پێ چۆل كردوون و ڕێگا سه‌ره‌كییه‌كان داخراون به‌هۆى به‌رزبوونه‌وه‌ى ئاستى ئاوى لافاوه‌كه و كاره‌با له ناوچه‌كه پچڕاوه.
ئاماده‌كردن و وه‌رگێڕان/ سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.