وه‌زاره‌تی ده‌ره‌وه‌ی رووسیا ئه‌مڕۆ هه‌ینی ئاشكرایكرد، ئه‌گه‌ر هه‌یه دووه‌م دیدار و چاوپێكه‌وتنی سه‌رۆكۆماره‌كانی رووسیا و ئه‌مریكا له مانگی داهاتوودا و له پاریسی پایته‌ختی فه‌ره‌نسا ئه‌نجام بدرێت.
ئاژانسی رۆیته‌رز له‌سه‌ر زاری وه‌زاره‌تی ده‌ره‌وه‌ی رووسیا رایگه‌یاند: له ئه‌گه‌ری به‌شداری هه‌ردوو سه‌رۆككۆماری رووسیا و ئه‌مریكا له رێوڕه‌سمی ساڵوه‌گه‌ڕی كۆتاییهاتنی جه‌نگی یه‌كه‌می جیهانی كه له پاریسی پایته‌ختی فه‌ره‌نسا به‌ڕێوه‌ده‌چێت، ئه‌گه‌ر هه‌یه ڤلادیمیر پۆتین سه‌رۆكی رووسیا و دۆناڵد ته‌رمپ سه‌رۆكی ئه‌مریكا به‌یه‌كه‌وه له‌و شاره كۆببنه‌وه.
بڕیاره رێوڕه‌سمی ساڵوه‌گه‌ڕی كۆتاییهاتنی جه‌نگی یه‌كه‌می جیهانی رۆژی یازده‌ی مانگی یازده‌ی ئه‌مساڵ و له پاریسی پایته‌ختی فه‌ره‌نسا به‌ڕێوه‌بچێت.
هاوكات ئاژانسی هه‌واڵی ریانووستی له‌سه‌ر زاری وه‌زاره‌تی ده‌ره‌وه‌ی رووسیا بڵاویكردۆته‌وه، له ئه‌گه‌ری رازی بوونی واشنتۆن به به‌شداربوونیان له رێوڕه‌سمه‌كه‌ی پاریس، ئه‌وا باوه‌شی رووسیا به‌رووی گفتوگۆكاندا كراوه‌یه و ئه‌وان ئاماده‌ن واشنتۆن كات و شوێنی ئه‌و دیداره چاوه‌ڕوان نه‌كراوه دیاری بكات.
له ئه‌گه‌ری سه‌رگرتنی، ئه‌م دیداره به دووه‌مین دیداری نێوان سه‌رۆكه‌كانی ئێستای رووسیا و ئه‌مریكا داده‌نرێت.
کۆمێنت (0)
تا ئێستا هیچ کۆمێنتێک نەکراوە.