له‌سه‌ر داوای داواكاری گشتیی ئیسته‌نبۆڵ، ئۆپه‌راسیۆنێكی گه‌وره له 10 ناوچه‌ی ئیسته‌نبۆڵ ئه‌نجام درا و 40 كه‌س ده‌ستگیر كران، كه هه‌موویان تۆمه‌تی ئه‌وه‌یان دراوه‌ته پاڵ سه‌ر به هێزەكانی یه‌په‌گه و بزوتنەوەكەی فه‌تحوڵڵا گوله‌نن.
به‌گوێره‌ی ئاژانسه‌كانی هه‌واڵی توركیا، ئه‌و 40 كه‌سه نێردراونه‌ته بنكه‌ی پۆلیس و دوای وه‌رگرتنی ئیفاده ره‌وانه‌ی زیندان كراون.
هه‌روه‌ها به‌گوێره‌ی زانیارییه‌كان، له‌ناو ئه‌و 40 كه‌سه‌دا 13 كه‌س به‌تۆمه‌تی ئه‌وه‌ی قاچاخچیین و خه‌ڵكیان به‌ریگه‌ی قاچاخ بردووه‌ته ده‌ره‌وه‌ی توركیا ده‌ستگیر كراون. جگه له‌وه‌ش 27 كه‌سیان تۆمه‌تی ئه‌وه‌یان دراوه‌ته پاڵ سه‌ر به‌یه‌په‌گه و فه‌تحوڵڵا گوله‌نن.
کۆمێنت (0)
تا ئێستا هیچ کۆمێنتێک نەکراوە.