هه‌ڵسوڕاوێکى پێشووی گۆڕان: گه‌ر یه‌کڕیزو به‌هێز نه‌بین به‌رامبه‌ر به‌ به‌غدا ناتوانین که‌رکوک بگه‌ڕێنینه‌وه‌

سه‌ردار عه‌بدوڵڵا هه‌ڵسوڕاوی پێشووی بزووتنه‌وه‌ی گۆڕان و ئه‌ندامی پێشووى ئه‌نجومه‌نى نوێنه‌رانى عێراق  له‌میانى به‌شداری كردنى له‌به‌رنامه‌ى له‌كوردستانه‌وه‌ ، له‌سه‌ر ڕه‌وشى ئێستای كوردستان دوای هه‌ڵبژاردنى په‌رله‌مانى كوردستان ڕایگه‌یاند ، ئێستا له‌قۆناخێك داین پێویستمان به‌یه‌ك ڕیزى هه‌یه‌ بۆ ئه‌وه‌ى ڕووبه‌رووی به‌غدا ببینه‌وه‌ ، بۆ ئه‌وه‌ى كه‌ركوك بگه‌ڕێنینه‌وه‌ ، بۆ ئه‌وه‌ى خۆمان به‌هێز بكه‌ین له‌وناوچه‌ كوردستانیانه‌ى دابڕاون  و چاوه‌ڕوانى هێنانه‌وه‌ین بۆ سه‌ر كوردستان  

سه‌ردار عه‌بدوڵڵا ڕاشیگه‌یاند   پێویستمان به‌وه‌ هه‌یه‌ یه‌ك ڕیز و یه‌ك تیم بین  به‌ر له‌وه‌ى عێراق به‌هێز ببێته‌وه‌  ،   به‌هێز نه‌بین و یه‌ك تیم نه‌بین ئه‌وا ناتوانین ده‌ستكه‌وته‌كانى گه‌لی كورد به‌ده‌ست بهێنین 

ڕاشیگه‌یاند ده‌وله‌تى عێراق له‌و چوار ساڵه‌ به‌هێز بێته‌وه‌ ئه‌و كارته‌ به‌هێزه‌ نابین به‌رامبه‌ر به‌غدا بوه‌ستین و مافه‌ ڕه‌واكانى گه‌لى كورد به‌ده‌ست بهێنین و  كه‌ركوك و ناوچه‌كانى دیكه‌ى كوردستان بگه‌ڕێنینه‌وه‌ بۆ باوه‌شى كوردستان و داكۆكی له‌بودجه‌ و شایسته‌ داراییه‌كانى هه‌رێمى كوردستان بكه‌ین 

شوان عه‌زیز