ئیشپێكردنی مه‌كینه‌ی ئۆتۆمبیل پێویستی به‌چه‌ندین پرۆسه‌ی تێكهه‌ڵكێش هه‌یه كه‌ده‌بێ رووبدات، له‌نێوانیاندا پرۆسه‌ی كاره‌بایی و میكانیكی له‌گه‌ڵ بونی سوته‌مه‌نی پێویست بۆ كارپێكردنی، هه‌ندێ جار مه‌كینه‌كه توشی گرفت ده‌بێته‌وه، ئێستاش هۆكاره‌كانی ده‌خه‌ینه‌ڕوو كه رێگره له‌كاركردنی مه‌كینه‌كه:
1-گرفتی سوڕی سوته‌مه‌نی و رێگری مه‌كینه‌كه له‌كاركردن:
• له‌كاتی نه‌مانی سوته‌مه‌نی به‌بێ ئاگاداری شۆفێره‌كه.
• بونی گرفتێك له‌فیتپه‌مپ و له‌كاركه‌وتنی
• گیرانی بۆری سوته‌مه‌نی كه‌ئه‌مه‌ش رێگره له‌له‌كاركه‌وتنی سوته‌مه‌نی مه‌كینه‌كه.
• گیران و تێكچونی فلته‌ری به‌نزین به‌ھۆی كۆبونه‌وه‌ی پیسی و ئه‌مه‌ش ده‌بێته ھۆی نه‌گه‌یشتنی سوته‌مه‌نی بۆ مه‌كینه‌كه.
• بونی ماده‌ی تر كه‌توانای سوتانی نیه وه‌ك ئاو، كه‌تێكه‌ڵبوونی ئاو و سوته‌مه‌نی رێگره له‌كاركردنی مه‌كینه‌كه.
• كاتێ گرفتێك له‌سستمی ده‌رزی لێدانی ناوه‌كی دروست ده‌بێ له‌مه‌كینه یان گیرانی ته‌واو دروست ده‌بێت.
2-گرفتی كاره‌با رێگری مه‌كینه‌كه ده‌كات له‌كاركردن :
• ئه‌گه‌ر باترییه‌كه لاواز بوو یان ته‌مه‌نی ته‌واوبوبێت.
• گرفتی تێكچونی كێبڵه‌كانی باترییه‌كه، یان دزه‌كردنی ماده‌كیمیاییه‌كان لێوه‌ی.
• تێكچونی پلاكه‌كان یان ئیكسپایه‌ربوونی.
• ئه‌گه‌ر گرفتێك ھه‌بێ له‌كۆیلدا.
Traffic Fm
کۆمێنت (0)
تا ئێستا هیچ کۆمێنتێک نەکراوە.