مایك پۆمپیۆ وه‌زیری ده‌ره‌وه‌ی ویلایه‌ته یه‌كگرتووه‌كانی ئه‌مریكا له كۆنفڕانسێكی هه‌واڵیدا له واشنتن وتی: بۆ به‌ره‌نگاربوونه‌وه‌ی ئێران سه‌باره‌ت به سزا ئابوورییه‌كانی سه‌ر ئه‌م وڵاته، ئه‌مریكا حه‌ز ده‌كات هاوكاریی له‌گه‌ڵ چین بكات.
پۆمپیۆ ئه‌وه‌شی ئاشكرا كرد: له دیداری ئه‌مدواییه‌ی خۆمدا له‌گه‌ڵ هاوتا چینییه‌كه‌م گفتوگۆمان كرد سه‌باره‌ت به هاوكاریی له‌گه‌ڵ چین بۆ به‌ره‌نگاربوونه‌وه‌ی پڕۆگرامی ئه‌تۆمیی و كرده‌وه خراپه‌كانی ئێران.
وه‌زیری ده‌ره‌وه‌ی ئه‌مریكا له كۆنفڕانسه‌كه‌دا وێڕای ده‌ربڕینی هاوكاریی له‌گه‌ڵ حكومه‌ت و كۆمپانیاكانی وزه‌ی چین باسی ئه‌وه‌شی كرد كه: بڕینی داهاته نه‌وتییه‌كانی ئێران هۆكاری سه‌ره‌كیی ئه‌م به‌ره‌نگاربوونه‌وه‌یه ده‌بێت و ئه‌مڕۆش له‌مباره‌یه‌وه گفتوگۆمان كردووه.
سه‌رچاوه / ده‌نگی ئه‌مریكا
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.