كه‌ناڵی فرانس پرێس له‌سه‌ر زاری پۆلیسی فه‌ره‌نساوه رایگه‌یاندووه، چه‌ند كه‌سێك به تۆمه‌تی تیرۆركردنی ئیمانۆئیل ماكرۆنی، سه‌رۆكی فه‌ره‌نسا ده‌ستگیركراوان و داننیان به پلانه‌كه‌یاندا ناوه‌و سه‌رپه‌شتیاری هێرشه‌كه‌ش ناوی جان بیاره‌و ته‌مه‌نی 62 ساڵه‌و پێشتر بازرگان بووه.
پۆلیسی روونیشیكردۆته‌وه كه له كاتی ده‌ستگیركردنی ناوبراو چه‌قۆیه‌كی سیرامیكی له نێو ئۆتۆمبێله‌كه‌یدا دۆزراوه‌ته‌وه‌و تاوانباره‌كان ویستویانه له‌كاتی هێرشكردنه سه‌ر سه‌رۆكی فه‌ره‌نسا به‌كاری بێنن.
پۆلیسی فه‌ره‌نسا ده‌شڵێت پلانی تاوانباره‌كان ئه‌وه‌بووه له‌به‌رواری 7ی نۆڤه‌مبه‌ر كاتێك ماكرۆن و سه‌ركرده‌كانی دیكه‌ی جیهان ئاماده‌ی مه‌راسیمی سه‌د ساڵ به‌سه‌ر تێپه‌ڕینی جه‌نگی جیهانی دووه‌م ده‌بن، هێرش بكه‌نه سه‌ری و بیكوژن.
پۆلیسی فه‌ره‌نسا ئاشكراشی كردووه كه له هه‌ڵمه‌تێكدا توانیویانه شه‌ش كه‌س ده‌ستگیر بكه‌ن كه ته‌مه‌نیان له نێوان 22 تا 62 ساڵیدایه‌و چوار كه‌سیش له‌وانه داننیان به پلانه‌كه‌یان ناوه.
ئاماده‌كردنی / رزگار
کۆمێنت (0)
تا ئێستا هیچ کۆمێنتێک نەکراوە.