وه‌زیری بازرگانیی عێراق پێكهێنانی لێژنه‌یه‌كی باڵای بۆ تاوتوێكردنی دۆخی فۆڕمی خۆراك و بودجه‌ی ته‌رخانكراو بۆ كڕینی مادده خۆراكییه‌كان و باشكردنی كوالیتی مادده‌كانی راگه‌یاند.
محەمەد ھاشم ئەلعانی، وەزیری بازرگانیی عێراق بە میدیا عێراقییەکانی راگەیاندووە، ھاوکات لەگەڵ باشترکردنی ماددە خۆراکییەکان ھەوڵ دەدەین فۆڕمەکە دەوڵەمەندتر بکەین و ماددەی خۆراکیی تری بۆ زیاد بکەین.
گوتیشی لیژنەیەکمان پێکھێناوە بۆ تاووتوێکردنی ئەو بابەتە و دابینکردنی پارەی پێویست بۆماوەی ساڵێک، نەک بۆماوەی 6 مانگ، بەگویرەی بڕیاری ژمارە 986ی نەتەوە یەکگرتووەکان، لەساڵی 1997ەوە چەند بڕگەیەک ماددەی خۆراکی لەڕێی بریکارەکانەوە بەسەر ھاووڵاتیانی عێراقدا دابەشدەکرێت و ساڵانە بڕێک پارەی بۆ تەرخان دەکرێت، بەڵام زۆرجار ھاووڵاتیان سکاڵای ئەوە دەکەن کە کوالیتیی ماددە خۆراکییەکان وەک پێویست نین.
کۆمێنت (0)
تا ئێستا هیچ کۆمێنتێک نەکراوە.