ماڵپه‌ری كۆمپانیای بازرگانیی عه‌لی بابا له هه‌راجێكی ئینته‌رنێتیدا ریكۆردی فرۆشی خۆی شكاند كه ساڵی 2017 تۆماری كردبوو.
ئه‌م گروپه بازرگانییه ناوداره رۆژی رابردوو بڕی 24.15 ملیار دۆلار فرۆشی به‌رهه‌مه جۆراوجۆره‌كانی تۆمار كرد و ئه‌م بڕه زۆره‌ش ته‌نیا له 16 كاتژمێردا به‌ده‌ستهاتووه.
كۆمپانیای عه‌لی بابا كه رۆژی یه‌كشه‌ممه له رۆژی كۆمه‌ڵایه‌تیی " رۆژی زگورتییه‌كان "ـدا هه‌راجێكی ئینته‌رنێتیی له‌سه‌ر ماڵپه‌ڕه‌كه‌ی خۆی راگه‌یاندبوو، توانیی ریكۆردی فرۆشی بۆنه‌ی ئاینیی " رۆژی شوكرانه‌بژێریی " ئه‌مریكا بشكێنێت.
جێگه‌ی ئاماژه‌یه كه له رۆژی زگورتییه‌كاندا رێژه‌ی فرۆش به‌ڕاده‌یه‌كی زۆر به‌رزده‌بێته‌وه و له‌م رۆژه‌دا به‌تایبه‌تیی خوێندكارانی زانكۆ به‌پێچه‌وانه‌ی رۆژی ڤالانتاین، ئاهه‌نگ بۆ زگورتیی بوونی خۆیان ده‌گێڕن.
سه‌رچاوه / یۆرۆ نیوز
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.