قەداسەتی پاتریەرك مار گۆرگیس سەرۆكی كەنیسەی رۆژهەلاتی ئاشووری لە جیهان كە مەڵبەندەكەی لە شاری هەولێرە لە سەردانێكیدا بۆ ڤاتیكان و كۆبوونەوەی لەگەڵ قەداسەتی پاپا مار فرانسیس سەرۆكی كەنیسەی كاسۆلیكی لە جیهان ، لە كۆبوونەوەیەكی لوتكەدا هەردوولا جەختیان لەوە كردەوە كە نابێت لە رۆژهەلاتی ناوەرِاست مامەلَە لەگەلَ كریستیانەكان بكرێت وەك كەمە نەتەوایەتی یان تەنها بە لێبووردەیی سەیر بكرێن ، بەڵكو پێویستە مامەڵەیەكی راستەقینە لەگەڵ كریستیانەكان بكرێت كە هاووڵاتی تەواو و كامیلن .
هەر لەو كۆبوونەوەیە هەردوولا قەداسەتی پاپا و قەداسەتی پاتریەرك جەختیان كردەوە كە رۆژهەڵاتی ناوەڕاست ناتوانرێت بە شوێنێكی راستەقینە و سەقامگیر وەسف بكرێت، ئەگەر هاتوو كریستیانەكان تیایدا مافی ژیانیان سەقامگیر نەبێت و بە ئاشتەوایی ژیان بەسەر نەبەن، لەو شوێنانەی كە زێدی باب و باپیریانە كە ئێستا بەهۆی ناكۆكییە تایفی مەزهەبیەكان چۆلَكراون .
سوهێل تاهیر / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.