منداڵێكی ساوای ته‌مه‌ن یه‌ك ساڵان له یه‌كێك له شاره‌كانی هیندستان كه‌وته سه‌ر هێڵی ئاسنین و شه‌مه‌نده‌فه‌ر به‌سه‌ریدا تێپه‌ڕیی، به‌ڵام دوای ئه‌وه‌ی شه‌مه‌نده‌فه‌ره‌كه شوێنه‌كه‌ی به‌جێهێشت ئاپۆڕای جه‌ماوه‌ری ناو وێستگه‌گه بینییان كچه ساواكه سه‌لامه‌ته و هیچ زیانی پێنگه‌یشتووه.
دایكی ئه‌م منداڵه له شاری ماتهورای هیندستان كاتێك كه ویستوویه‌تیی له شه‌مه‌نده‌فه‌ر دابه‌زێت، به‌هۆی پاڵه‌په‌ستۆی زۆری گه‌شتیاران منداڵه‌كه‌ی له‌به‌رده‌م ده‌رگای ڤارگۆنه‌كه لێكه‌وتووه‌ته‌وه خواره‌وه و به‌ڕێكه‌وت له نێوان هه‌ردووك پارچه‌ی پێكهێنه‌ری هێڵی ئاسنینی شه‌مه‌نده‌فه‌ر گیری خواردووه.
سه‌رباری ئه‌م بارودۆخه‌ش شه‌مه‌نده‌فه‌ره‌كه به‌ڕێده‌كه‌وێت و خه‌ڵكی ناو وێستگه‌كه به ترساویی و داماویی چاوه‌ڕێن تا شه‌مه‌نده‌فه‌ره‌كه تێپه‌ڕێت و بزانن چاره‌نووسی منداڵه‌كه به كوێ گه‌یشتووه، كه له ئه‌نجامدا دوای تێپه‌ڕینی شه‌مه‌نده‌فه‌ره‌كه ده‌بینن منداڵه‌كه ساغ و سه‌لامه‌ته و هیچی به‌سه‌ر نه‌هاتووه.
جێگه‌ی ئاماژه‌یه كه ڤیدیۆی ئه‌م رووداوه له‌سه‌ر تۆڕه كۆمه‌ڵایه‌تییه‌كان جه‌نجاڵێكی زۆر درووستكردووه.
سه‌رچاوه / عه‌ره‌بییه
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.