رێكخراوی سنین بۆ گه‌شه‌پێدانی تواناكانی گه‌نجان، له هۆڵی په‌رتوكخانه‌ی په‌روانه له‌گه‌ره‌كی دێڵزیان، كۆڕێكی شیعر خوێندنه‌وه‌ی بۆ كچه به‌هره‌مه‌ندێك سازكرد.
سیروان سابیر، به‌رپرسی راگه‌یاندنی رێكخراوی سنین بۆ گه‌شه‌پێدانی تواناكانی گه‌نجان، رایگه‌یاند :له‌ئێواره پایزیه‌كی كوردستان له‌هۆڵی په‌رتوكخانه‌ی په‌روانه، له‌گه‌ڕه‌كی دێڵزیان له ناحیه‌ی دیانا، ئێواره كۆڕێكی شیعر خوێندنه‌وه‌مان بۆ كچه به‌هره‌مه‌ند خاتوو (خه‌ڵات زرار) رێكخست و به‌خوێندنه‌وه‌ی چه‌ند شیعرێكی خۆی ئاماده‌بووانی دڵخۆش كرد.
هه‌روه‌ها ئه‌وه‌شی خسته‌روو: له‌كوتای كۆڕه‌كه‌دا له‌لایه‌ن ئاماده‌بووانه‌وه سه‌ره‌نج و پێشنیاره‌كان خرانه روو، دواتر كۆڕگێڕ وڵامی ئاماده‌بووانی دایه‌وه.
كوردستان تیڤی/ كامران
کۆمێنت (0)
تا ئێستا هیچ کۆمێنتێک نەکراوە.