ئه‌مرۆ چوارشه‌ممه سه‌رۆكی ئه‌مریكاو سه‌رۆك كۆماری توركیا په‌یوه‌ندییه‌كی ته‌له‌فۆنییان ئه‌نجامداو تێیدا لەسەر ئەنجامدانی دیدارێک لە پەراوێژی كۆبوونه‌وه‌ى G20 رێککەوتن.
له‌و په‌یوه‌ندییه ته‌له‌فۆنییه‌دا، دۆناڵد تره‌مپ سه‌رۆكی ئه‌مریكا و ره‌جه‌ب ته‌یب ئه‌ردۆگانى سه‌رۆكى توركیا گرژییه‌كانی نێوان رووسیا و ئۆكراینا له ده‌ریای ره‌ش تاوتوێكرد.
هه‌روه‌ها ئه‌ردۆغان و تره‌مپ رێككه‌وتن له‌سه‌ر ئه‌نجامدانی دیدار له په‌راوێزی لووتكه‌ی سه‌ركرده‌كانی G-20 كه له بۆینس ئایرس به‌ڕێوه‌ده‌چێت.
بڕیارە لووتکەی ساڵانەی گرووپی G20، کە ئەو وڵاتانە لەخۆدەگرێ كه خاوەن ئابوورییەکی بەهێزن، لە بۆینس ئایرسی ئەرجەنتین رۆژانی هەینی و شەممە بەڕێوەبچێت.
کۆمێنت (0)
تا ئێستا هیچ کۆمێنتێک نەکراوە.