خۆپیشانده‌رانی ناوزه‌دكراو به‌ناوی هێله‌ك زه‌رده‌كان خۆپیشاندانی ئه‌مڕۆ شه‌ممه وه‌ك كۆتاییهێنان به چواره‌م هه‌فته‌ی مانگرتن و ناڕه‌زایه‌تیی خۆیان به‌كۆتا ده‌گه‌ینن و سه‌رچاوه‌كانیش باس له‌وه ده‌كه‌ن هێزه ئه‌منییه‌كانی فه‌ڕه‌نسا 350 كه‌س له‌و خۆپیشانده‌رانه‌یان ده‌ستگیر كردووه.
هه‌روه‌ها پاریسی پایته‌ختی ئه‌م وڵاته و به‌تایبه‌تیی شه‌قامی شانزه لیزه و گه‌ڕه‌كه‌كانی ده‌روبه‌ری ئه‌م شه‌قامه كه زیاتر له هه‌ر شوێنێكی دیكه‌ی شاره‌كه نائارامیی به‌خۆیه‌وه دیتووه، خۆیان بۆ شه‌پۆلێكی دیكه‌ی توندوتیژییه‌كانی نێوان هێله‌ك زه‌رده‌كان و پۆلیس ئاماده ده‌كه‌ن كه بڕیاره به هۆی شه‌پۆڵێكی نوێی خۆپیشاندانه‌كانه‌وه رووبدات.
ئه‌م زنجیره خۆپیشاندانه ته‌نانه‌ت خشته‌ی یارییه‌كانی تۆپی پێی شێواند كه بڕیاربوو كۆتایی هه‌فته به‌ڕێوه‌بچێت و ته‌نانه‌ت له پاریس سه‌رجه‌م مۆزه‌خانه‌كان و شوێنه گه‌شتیارییه‌كان و له‌ناویاندا تاوه‌ری ئیڤڵ له رۆژی شه‌ممه‌دا به‌ڕووی گه‌شتیاران دابخرێت.
مه‌سعود / كوردستان تی ڤی
سه‌رچاوه/ یۆرۆ نیوز
کۆمێنت (0)
تا ئێستا هیچ کۆمێنتێک نەکراوە.