یه‌كێك له‌هه‌ره پارچه گرنگه‌كانی ئۆتۆمبێل كه زۆر گرنگه كوالێتی به‌رز بێت ئه‌ویش بریتییه له‌بانس، بۆیه ده‌بێت ئاگاداربیت كاتێك بانسی ئۆتۆمبێله‌كه‌ت ده‌گۆڕیت ده‌بێت ئاگاداری جیاوازی نێوان بانسی ئه‌سڵی‌و بانسی عادی بیت.
چۆن‌و جیاوازی چیه
1. بانسی ئه‌سڵی سه‌لامه‌تتره له‌بانسی عادی.
2. بانسی ئه‌سڵی له‌كاتی ئیستۆپگرتنی زۆردا گه‌رم نابێت‌و به‌باشی ئۆتۆمبێل ده‌وه‌ستێنێت، به‌ڵام بانسی عادی به‌پێچه‌وانه‌وه‌یه.
3. بانسی ئه‌سڵی فلنجه به‌سافی ده‌هێڵێته‌وه‌و خه‌تی تێناكات، ئه‌وه‌ش به‌پێچه‌وانه‌ی بانسی عادییه‌وه‌یه كه‌وا فلنجه به‌سافی ناهڵێت‌و خه‌تی تێده‌كات فلنجه زبر ده‌كات.
4. بانسی ئه‌سڵی سه‌وت ده‌رناكات، وه‌ك زیكه زیك له‌كاتی ئیستۆپگرتن یان خڕه خڕ ناكات، ئه‌وه‌ش به‌پێچه‌وانه‌ی بانسی عادییه كه زیكه زیك‌و خره خڕ ده‌كات له‌كاتی ئیستۆپگرتندا‌و مه‌ترسی هه‌یه.
5. بانسی ئه‌سڵی قه‌د ڕه‌شی ده‌رناكات له‌ویلی تایه‌ی ئۆتۆمبێلكه‌وه شۆفێر بێزار ناكات، ئه‌وه‌ش به‌پێچه‌وانه‌ی بانسی عادییه كه ڕه‌شی له‌ویلی تایه‌ی ئۆتۆمبێلێكه‌وه ده‌رده‌كات‌و شۆفێر بێزار ده‌كات.
6. بانسی ئه‌سڵی تا ته‌واو ده‌بێت هه‌موو فه‌حمه‌كه‌ی به‌باشی كارده‌كات، به‌ڵام بانسی عادی ته‌نها بۆ ماوه‌یه‌كی كاتی به‌باشی كارده‌كات دوایی به‌باشی كارناكات‌و توشی چه‌ندین گرفت ده‌كات له‌كاتی ئیستۆپگرتندا.
سه‌رچاوه - Traffic Fm
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.