بە بۆنەی(66)ەمین ساڵوەگەڕی دامەزراندنی یەكێتی ئافرەتانی كوردستان، مەكتەبی سیاسی پارتی دیموكراتی كوردستان پەیامێكی پیرۆزبایی ئاراستهی هەڤاڵانی مەكتەبی سكرتاریەت و ئەنجوومەنی باڵای یەكێتی ئافرەتا كرد ئهمه دهقهكهیهتی:
بەڕێزان سكرتێر و هەڤاڵانی مەكتەبی سكرتاریەت و ئەنجوومەنی باڵای یەكێتی ئافرەتانی كوردستان.
بە بۆنەی(66)ەمین ساڵوەگەڕی دامەزراندنی یەكێتیە تێكۆشەرەكەتان، یەكێتی ئافرەتانی كوردستان، گەرمترین پیرۆزبایی لە ئێوەوئەنجوومەنەكان و گشت ئەندام و ئافرەتانی كوردستان دەكەین، هیوادارین هەمیشە هەر سەركەوتوو بن لە هەوڵ و كۆشش و كاروچاڵاكیەكانتان بۆ دابینكردنی گشت مافە رەواكانتان.
یەكێتی ئافرەتانی كوردستان بەر لە(66)ساڵ بە پاڵپشتی و بڕیاری (بارزانی نەمر) دامەزرا، هەنگاوودەسكەوتێكی دیكەی گرنگ بوو بۆ توێژی ئافرەتان تاوەكو بتوانن وەك هێزێكی كۆمەڵایەتی رۆڵی دیاروكاریگەری خۆیان ببینن شانبەشانی تێكۆشانی گەلەكەمان و بزووتنەوە رزگاریخوازەكەی لە گشت قۆناغەكانی خەبات و قوربانیدانداوگەلێك دەسكەوتی گرنگیش بەدەست بێنێ.
توێژی ئافرەتان بەپێی ئەو پێگەوسەنگ و پانتاییەی هەیانە لە نێو كۆمەڵگەدا ئەرك و كارێكی چارەنووسسازیان لەئەستۆیە لەبواری پەروەردەوپێشكەوتنی كۆمەڵگە، بۆیە رۆڵی بەرپرسانەی ئێوەویەكێتیەكەتان هەمیشە گرنگ و كاریگەرە بەتایبەتیش لەو هەلومەرجەی ئەمڕۆماندا لەو جێگەوپێگەو بوارانەی بۆتان رەخساوە كاری تیابكەن بۆ داكۆكیكردن لە دەسكەوتەكانمان و پاراستنی ئەو ئەزموونەو كۆتاییهێنان بە كێشەوگیروگرفت و مەینەتیەكان.
جارێكی دیكە و بەو بۆنەیەوە تەواوی پاڵپشتی خۆمان بۆ ئێوەویەكێتیەكەتان دووپات دەكەینەوە، ئومێدەوارین هەردەم پێشەنگ و پێشڕەوی بزووتنەوەی ئافرەتان بن بۆ بەرجەستەكردن و بەدەستهێنانی گشت داخوازیە رەواكانی ئافرەتانی کوردستان لە ماف و یەكسانی.
سڵاو لەو كاروانە سەركەشە نەسرەوتووەی تێكۆشان و پڕبەخششەی یەکێتی ئافرەتانی کوردستان.. دووبارە پیرۆزباییتان لێدەكەین و هەر سەركەوتوو بن..
مەكتەبی سیاسی
پارتی دیموكراتی كوردستان
10/12/2018
کۆمێنت (0)
تا ئێستا هیچ کۆمێنتێک نەکراوە.