رەجەب تەیب ئەردۆغان، سەرۆک کۆماری تورکیا و ئەنگێلا مێرکڵ، راوێژکاری ئەڵمانیا پەیوەندییەکی تەلەفۆنیان ئەنجامدا و تاوتوێی دۆخى سووریایان کرد.
سەرچاوەک لە سەرۆکایەتی تورکیا ئاشکرای کرد، ئەمڕۆ یه‌كشه‌ممه ئەردۆغان و مێرکڵ پەیوەندییەکی تەلەفۆنیان ئەنجامداوە و تاوتوێی پێشهاتەکانی سووریا و شەڕی تیرۆریان لە ناوچەکەدا کردووە".
ئەردۆغان و مێرکڵ لە پەیوەندییە تەلەفۆنییەکەدا تاوتوێی پرسی چوونی کۆچبەرانیان لە تورکیاوە بەرەو ئەوروپا کردووە. هەروەها جەختیان لەوە کردووەتەوە کە هەردوو وڵات بۆ چاودێریکردنی دۆخی سووریا و پرسی کشانەوەی هێزەکانی ئەمریکا لەو وڵاتە لە پەیوەندی بەردەوام ده‌بن".
دوای بڕیاری کشانەوەی ئەمریکا لە سووریا، تورکیا پێشوازی لە بڕیارەکە کرد و دەیەوێ پێگەی خۆی لەو وڵاتە بەهێزتر بکات، بەڵام فەرەنسا و ئەڵمانیا لە بڕیارەکەی دۆناڵد ترەمپ نیگەرانن.
کۆمێنت (0)
تا ئێستا هیچ کۆمێنتێک نەکراوە.