كۆشكی كرملین رایگه‌یاندووه ڤلادیمێر پۆتین سه‌رۆك كۆماری رووسیا له نامه‌یه‌كدا به بۆنه‌ی پیرۆزبایی ساڵی تازه كه بۆ دۆناڵد ترامپی نووسیوه، باسی ئه‌وه‌ی كردووه كه ئه‌و ئاماده‌یه له‌سه‌ر پرسی جۆراوجۆر و به‌رفراوان دانووستان له‌گه‌ڵ سه‌رۆك كۆماری ئه‌مریكادا بكات.
له نامه‌كه‌ی ڤلادیمێر پۆتین سه‌رۆك كۆماری رووسیادا جه‌خت له‌وه كراوه‌ته‌وه كه باشبوونی په‌یوه‌ندییه‌كانی نێوان رووسیا و ئه‌مریكا گرنگترین فاكته‌رن بۆ سه‌قامیگیرییه‌كی ستراتیژیی له ئاستی نێوده‌ڵه‌تیدا.
هه‌ڵبه‌ت تا ئێستا كۆشكی سپیی هیچ وه‌ڵامێكی ئه‌م نامه‌یه‌ی نه‌داوه‌ته‌وه.
به‌گوێره‌ی سه‌رچاوه‌كانی هه‌واڵ پۆتین جیا له ترامپ نامه‌ی بۆ رێبه‌رانی دیكه‌ی جیهانیش ناردووه به بۆنه‌ی پیرۆزبایی ساڵی نوێ و له نامه‌كانیشدا ئاماژه‌ی به پرسه‌كانی نێوان وڵاته‌كه‌ی و هه‌ركام له‌و وڵاتانه‌ش كردووه.
مه‌سعود / كوردستان تی ڤی
سه‌رچاوه/ ده‌نگی ئه‌مریكا
کۆمێنت (0)
تا ئێستا هیچ کۆمێنتێک نەکراوە.