دوای چوار ساڵ له بێده‌نگی و و بڵاونەکردنەوەی ھیچ بەرھەمێک ، شاعیر و رۆژنامەنووسی كورد " هێمن هه‌ینی " له ژێر ناوی " چیرۆكی خۆشه‌ویستی " ئه‌لبومێكی شیعری بڵاوده‌كاته‌وه .
ئه‌لبوومی چبرۆكی خۆشه‌ویستی بریتییه له كۆمه‌لێك به‌رهه‌می شیعری كه لە ١٥ تراکی شیعری پێک ھاتووە و ھەر تراكێك چەند شیعرێکی لەخۆ گرتووە ، بریاره له‌م هه‌فته‌یه‌دا له گەلەری پارکی شانەدەر لە شاری ھەولێر بە ئیمزای خودی شاعیرئه‌لبوومه‌كه بڵاوبكرێته‌وه .
ئه‌لبوومی چیرۆكی خۆشه‌ویستی بەشێوەیەكی مۆدێرن کاری میوزیک و دابەشکردنی بۆ کراوە، ھەروەھا لە تورکیاش کاری چاپکردنی ئەلبومەکەی بۆ کراوە ، كه خوێندنەوە و نووسینی شیعرەکان کارێکی تازه‌ن .
هێمن هه‌ینی شاعیر و رۆژامه‌نووس ئاشكرایده‌كات ھۆکاری بێدەنگی لە ماوەی چوار ساڵی رابردوودا بۆ دۆخی دارایی و شەڕی داعش دەگەڕێته‌وه ، ئه‌م به‌رهه‌مه نوێیه دووه‌م ئه‌لبوومی شیعری و چولر كلیپی ئه‌م شاعیره‌یه .
کۆمێنت (0)
تا ئێستا هیچ کۆمێنتێک نەکراوە.