لێدوانی به‌رپرسانی ئه‌مریكا ده‌رباره‌ی ده‌رچوونی هێزه‌كانی ئه‌م وڵاته له خاكی سووریا له‌م چه‌ند رۆژه‌ی دواییدا جیاوازییه‌كی زۆری هه‌بووه و ئه‌مه‌ش له‌كاتێكدایه كه ژماره‌یه‌ك به‌رپرسیی واشنتن باسیان له‌وه كردووه پڕۆسه‌ی كشانه‌وه‌ی هێزه‌كانی ئه‌مریكا له خاكی سووریا ده‌ستیپێكردووه، له‌لایه‌كی دیكه‌شه‌وه وته‌بێژێكی پێنتاگۆن ده‌ڵێت هێزه‌كانی ئه‌مریكا هێشتا له سووریا ماون و ئه‌م پڕۆسه‌یه به پێی خشته‌ی كات ئه‌نجامده‌درێت.
شۆن رۆبرتسۆن وته‌بێژی وه‌زاره‌تی به‌رگریی ئه‌مریكا شه‌وی رابردوو رایگه‌یاندووه كه هیچ هێزێكی سه‌ربازیی وڵاته‌كه‌ی خاكی سووریای جێنه‌هێشتووه.
رۆبرتسۆن له‌مباره‌یه‌وه جه‌ختیكرده‌وه: سه‌ربازانی ئه‌مریكا به له‌به‌رچاو گرتنی ستراتیژییه‌تی خشته‌یه‌كی كاتیی دیاریكراو و هاوئاهه‌نگیی له‌گه‌ڵ هاوپه‌یمانانی واشنتن له سووریا ده‌ست به پڕۆسه‌ی كشانه‌وه ده‌كه‌ن.
به وته‌ی وته‌بێژی وه‌زاره‌تی به‌رگریی ئه‌مریكا تا ئێستا ته‌نیا كه‌ره‌سته‌ی سه‌ربازیی و لۆجستی وڵاته‌كه‌ی له سووریا بردراونه‌ته ده‌ره‌وه و جه‌ختیشی كرده‌وه كه: به هۆی پرسه ئه‌منییه‌كان ناتوانین باسی ورده‌كاریی كات و چۆنیه‌تیی گواستنه‌وه‌ی هێزه‌كانمان له سووریا بكه‌ین.
مه‌سعود / كوردستان تی ڤی
سه‌رچاوه/ دی ده‌بڵیوو
کۆمێنت (0)
تا ئێستا هیچ کۆمێنتێک نەکراوە.