مایك پۆمپیۆ وه‌زیری ده‌ره‌وه‌ی ئێران له دیمانه‌یه‌كدا له‌گه‌ڵ كه‌ناڵی عه‌ره‌بییه باسی له‌وه كرد كه ئه‌مریكا خوازیاری بیستنی ده‌نگی گه‌لی ئێران و جێگیربوونی دیموكراسییه له‌م وڵاته‌دا.
پۆمپیۆ له په‌یامه‌كه‌یدا كه له رێگه‌ی كه‌ناڵی عه‌ره‌بییه‌وه ئاراسته‌ی هاوڵاتییانی ئێرانی كرد، ده‌ڵێت: ئه‌مریكا پشتیوانیی گه‌ل و هاوڵاتییانی ئێران ده‌كات له چه‌سپاندنی دیموكراتییه‌تێكی راسته‌قینه له‌ناو ئێراندا كه ده‌ست نه‌بات بۆ تێكدانی سه‌قامگیریی ناوچه‌كه و هه‌روه‌ها پشتیوانیی حزبوڵڵای لوبنان و میلیشیا شیعه‌كانی عێڕاقیش نه‌كات.
وه‌زیری ده‌ره‌وه‌ی ئه‌مریكا ده‌رباره‌ی كۆنفڕانسه نێوده‌وڵه‌تییه‌كه‌ی ڤارشۆی پایته‌ختی پۆڵۆنیا كه سه‌باره‌ت به رۆڵی ئێران له رۆژهه‌ڵاتی ناوه‌ڕاستدا به‌ڕێوه‌ده‌چێت، وتی: كۆنفڕانسه‌كه زۆر به‌رفراوان ده‌بێت و وڵاتانێك له ئاسیا و ئه‌فریقیا و ئه‌مریكای باشوور به‌شداریی تێدا ده‌كه‌ن. هه‌روه‌ها له‌و كۆنفڕانسه‌دا تاوتوێی په‌یماننامه‌یه‌ك ده‌كه‌ین سه‌باره‌ت به جێگیركردنی سه‌قامگیریی له رۆژهه‌ڵاتی ناوه‌ڕاست و رێكاره‌كانی به‌ره‌نگاربوونه‌وه‌ی كرداره‌كانی ئێران و تیرۆریسم.
مه‌سعود / كوردستان تی ڤی
سه‌رچاوه/ عه‌ره‌بییه
کۆمێنت (0)
تا ئێستا هیچ کۆمێنتێک نەکراوە.