باوکی کچە هه‌ڵاتووه‌که‌ى سعوودیه‌ کۆچى دوایی کرد

باوکی ئه‌و کچە سعوودیەى كه‌ ماوه‌یه‌ك له‌مه‌وبه‌ر به‌هۆى فشارى مالباته‌كه‌ى به‌ره‌و ده‌ره‌وه‌ى وولات ڕایكردو دواتر لە کەنەدا مافى په‌نابه‌رى پێدرا، کۆچی دوایی کرد.

ئەمڕۆ چوارشەممە 23-1-2019، میدیا عەرەبییەکان  بڵاویان کردەوە، كه‌ محەمەد ئەلقانونی باوکی رەهەفى هه‌ڵاتوو، بە جەڵتەی دڵ کۆچی دوایی کرد.

رەهەف ئەلقانون، كه‌ لە 7-1-2019، بە گەشتێک لە کێتەوە رووی کردە تایلاندو لەوێ لە تۆڕی کۆمەڵایەتیی (تویتەر) رایگەیاندبوو، کە بەهۆی زەبروزەنگی خێزانەکەی، نایەوێ بگەڕێتەوە سعوودیه‌ و دەیەوێ وەک پەنابەرێک ڕوو بکاتە ئوستڕالیا.

دواتر حکوومەتی کەنەدا مافی پەنابەرێتی بە رەهەف بەخشی و لە رێوڕەسمێکدا پێشوازیی لێ کرد.

دوای گەیشتنی بە کەنەدا، ئەو کچە سعوودیە، کە لەدایکبووی ساڵی 2000ـە، بە جلی نیمچە ڕووت دەرکەوت و لە لێدوانێکیشدا بۆ رۆژنامەنووسان، باسی هەڵگەڕانەوەی خۆی لە ئاینی ئیسلام کردو رایگەیاند، له‌مه‌ودوا مادده‌ کهولییه‌كان دەخواتەوە و گۆشتی بەرازیش دەخوات.