رژێمی سووریا هەڕەشەی بۆردومانکردنی فڕۆکەخانەی تەل ئەڤیڤی پایتەختی ئیسرائیل دەکات.
بەشار جەعفەری، نێردەی سووریا لە نەتەوە یەکگرتووەکان رایگەیاندووە، پێویستە ئەنجومەنی ئاسایشی نێودەوڵەتی ”دستدرێژییەکان“ی ئیسرائیل بۆ سەر سووریا، بوەستێنێت.
بەشار جەعفەر هەروەها رایگەیاندووە، ئەگەر ئیسرائیل بەردەوام بێت لە ”دەستدرێژییەکان“ و ئەنجومەنی ئاسایشیش رێگریی لەو وڵاتە نەکات، ئەو كات رژێمی سووریا بە هەمان شێوەی فڕۆکە جەنگییەکانی ئیسرائیل، فڕۆکەخانەی نێودەوڵەتیی تەل ئەڤیڤ بۆردومان دەکات.
تێزانین فڕۆکە جەنگییەکانی ئیسرائیل بەردەوام فڕۆکەخانەی نێودەوڵەتیی دیمەشق و بنکە و بارەگا سەربازییەکانی سووریا بۆردومان دەکەن.
سوپای ئیسرائیل بەردەوام هەڕەشەی ئەوە دەکات، کە رێگا بە فراوانبوونی هەژموونی ئێران لە سووریا نادەن و بەردەوام دەبن لە بۆردومانکردنی بنکە و بارەگاکانی هێز و میلیشیا ئێرانییەکان لە سووریا.
کۆمێنت (0)
تا ئێستا هیچ کۆمێنتێک نەکراوە.