به‌پێى هه‌واڵێكى سپوتنیكى رووسى، نیكۆلاس مادۆرۆ سه‌رۆكى ڤه‌نزوێلا بڕیاریدا ته‌واوى باڵیۆز و كونسوڵخانه‌كانى له ئه‌مریكا دابخات و دیبلۆماتكاره‌كانى وڵاته‌كه‌ى له ئه‌مریكا بكشێنێته‌وه.
نیكۆلاس مادۆرۆ سه‌رۆكى ڤه‌نزوێلا له كه‌نالى ره‌سمى وڵاته‌كه‌ى رایگه‌یاند و گوتى: بڕیارم دا باڵیۆزخانه و سه‌رجه‌م كونسوڵخانه‌كانى ڤه‌نزوێلا له ویلایه‌ته یه‌كگرتووه‌كانى ئه‌مریكا دابخه‌م، هه‌روه‌ها گوتیشى رازیه له‌گه‌ڵ هه‌ریه‌ك له وڵاتى مه‌كسیك و ئۆرگواى دانوستان بكه‌ن.
بڕیاره‌كه‌ى مادۆرۆ دواى ئه‌وه دێت كه دۆناڵد ترمپ سه‌رۆكى ئه‌ریكا پشتگیرى خۆى بۆ خۆان گوایدۆ سه‌رۆكى په‌رله‌مانى ڤه‌نزوێلا ده‌ربرى، كاتێك گوایدۆ خۆى وه‌ك سه‌رۆكى وڵات ناساند و بوونى نیكۆلاس مادۆرۆ سه‌رۆكى ڤه‌نزوێلا به نایاسایى له قه‌ڵه‌م دا.
جێى ئاماژه‌یه وڵاته‌ى ڤه‌نزوێلا وڵاتیكى ده‌وڵه‌مه‌نده به نه‌وت و به‌هۆى دابه‌زینى نرخى نه‌وته‌وه ماوه‌ى چه‌ند ساڵێكه له قه‌یرانێكى داراییدایه، ئۆپۆزسیۆنى ئه‌و وڵاته‌ش دۆخى خراپى دارایى ده‌خاته ئه‌ستۆى مادۆرۆ، به‌هۆى دۆخى سه‌ختى دارایى و ئابوورى هاووڵاتییان له كاراكاسى پایته‌خت و زۆربه‌ى شاره‌كانى كه‌ى ڤه‌نزوێلا خۆپیشاندانیان كردووه و دواى یه‌ك رۆژ له ده‌ستپێكردنى خۆپیشاندانى هاووڵاتییان گوایدۆ خۆى وه‌ك سه‌رۆكى وڵات ناساند بۆ لادانی مادۆرۆ.
ئاماده‌كردن و وه‌رگێڕان/ سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.