به‌پێى هه‌واڵێكى رۆیته‌رز، نیكۆلاس مادۆرۆ سه‌رۆكى ڤه‌نزوێلا ئه‌مرۆ چوارشه‌ممه 30 كانوونى دووه‌مى 2019، له چاوپێكه‌وتنێكدا به ئاژانسى هه‌واڵى ( RIA )ى رووسى راگه‌یاندووه ئه‌و ئاماده‌یه له‌گه‌ڵ ئۆپۆزیسیۆن گفتوگۆ بكات به به‌شدارى ناوبژیوانى نێوده‌وڵه‌تى.
مادۆرۆ له چاوپێكه‌وتنه‌كه‌دا گوتویه‌تى: من ئاماده‌م گفتوگۆ له سه‌ر مێزى دانوستان له‌گه‌ڵ ئۆپۆزیسۆن بكه‌م له پێناوى به‌ده‌ستهێنانى ئاشتى و ئاینده‌یه‌كى سود به‌خش بۆ ڤه‌نزوێلا .
جێى ئاماژه‌یه له 15ى كانوونى دووه‌مى 2019، بارودۆخى وڵاتى ڤه‌نزوێلا به شێوه‌یه‌كى به‌رچاو تێكچوو و هه‌روه‌ها به‌هۆى دابه‌زینى نرخى نه‌وت ماوه‌ى چه‌ند ساڵێكه ئه‌و وڵاته له قه‌یرانى داراییدایه و ئۆپۆزیسیۆنیش دۆخى خراپى دارایى ده‌خاته ئه‌ستۆى مادۆرۆ.
هاووڵاتیان له كاراكاسى پایته‌خت وزوربه‌ى شاره‌كانى دیكه‌ى ڤه‌نزوێلا خۆپیشاندانیان كردووه و دواى یه‌ك رۆژ له خۆپیشاندانى هاووڵاتییان خۆان گوایدۆ سه‌رۆكى په‌رله‌مانى ڤه‌نزوێلا بۆ لادانى مادۆرۆ خۆى وه‌ك سه‌رۆكى وڵات ناساند و له 23ى كانوونى دووه‌م ئه‌مریكا و وڵاتانى دیكى به خێرایى گوایدۆیان وه‌ك سه‌رۆكى وڵاتى ڤه‌نزوێلا ناساندووه و پشتگیریان كردووه.
ئاماده‌كردن و وه‌رگێڕان/ سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.