ژەنیار و ئاوازدانه‌ری كوردی رۆژهه‌ڵاتی كوردستان " کەیهان کەڵهۆڕ به‌م نزیكانه " له ژێر ناوی "هێشتا پاییزە" نوێترین ئەلبۆمی گۆرانی خۆی بڵاوده‌كاته‌وه .
ناوەڕۆکی نوێترین ئەلبومی " کەیهان کەڵهۆڕ" لە سەر هاوکاریی بەردەوامی ئەم هونەرمەندەی مۆسیقای ئێران لە گەڵ گرووپی "ڕامبرانت تریو" ساز کراوە ، پێشتریش دامەزراوەی "سازی ئاواز" بەرنامەڕێژی کردبوو بۆ تۆمارکردنی ئەلبۆمێک لە کار و بەرهەمی هاوبەشی گرووپی "ڕامبرانت تریو" .
گرووپی "ڕامبرانت تریو" لە چەندین ژەنیاری ناوداری جیهانی پێکهاتوو و لە ساڵی ٢٠١١ چالاکی هاوبەشی لەگەڵ کەیهان کەڵهۆڕ دەستپێکردووە و تا ئێستا کۆنسێرتیان لە چەندین فێستیڤاڵی بەناوبانگی جیهانی ساز کردووە.
لەم ساڵانەی دواییدا " کەیهان کەڵهۆڕ " لە گەڵ ژمارەیەکی زۆر هونەرمەند لە کەلتووری جیاواز، هاوکاریی کردووە ، بۆ نمونه " ئەرداڵ ئەرزنجان لە وڵاتی تورکیا، شوجاعەت حسێن خان لە هیند، یویوما لە چین، ژائو ژیپین، عالیم قاسمۆف لە کۆماری ئازەربایجان" و چه‌ندین هونه‌رمه‌ندی دیكه‌ی جیهانی .
کەیهان کەڵهۆڕ ژەنیار ومیوزیكژه‌نی بەناوبانگی کورد لە پارێزگای کرماشان لە دایک بووە و لە تەمەنی پێنج ساڵی هۆگری مۆسیقا دەبێ و ئیستاکە لە بواری موسیقا و ژەنیاریی کەمانچە خاوەنی نازناوەی تایبەتە و لە گەڵ ناودارترین گرووپە موسیقاییەکان لە ئاستی جیهاندا چەندین بەرهەمی تۆمار کردووە.
کۆمێنت (0)
تا ئێستا هیچ کۆمێنتێک نەکراوە.