مایك پۆمپیۆ وه‌زیری ده‌ره‌وه‌ی ئه‌مریكا رایگه‌یاند كه تێمێكی ره‌وانه‌ی شوێنێك له كیشوه‌ری ئاسیا كردووه تا ئاماده‌كاریی بۆ دووه‌مین دیداری نێوان دۆناڵد ترامپ سه‌رۆك كۆماری ئه‌مریكا و كیم جونگ ئون رێبه‌ری كۆریای باكوور بكه‌ن.
پۆمپیۆ له‌مباره‌یه‌وه وتی: ئه‌و تیمه له ئێستادا به‌ره‌و كشوه‌ری ئاسیا رۆیشتوون تا ئاماده‌كاریی بۆ دیداری نێوان رێبه‌رانی ئه‌مریكا و كۆریای باكوور بكه‌ن.
هه‌ڵبه‌ت وه‌زیری ده‌ره‌وه‌ی ئه‌مریكا سه‌باره‌ت به شوێن و كاتی دیاریكراوی دیداره‌كه هیچ زانیارییه‌كی نه‌دركاند.
دۆناڵد ترامپ سه‌رۆك كۆماری ئه‌مریكا رۆژی چوارشه‌ممه‌ی هه‌فته‌ی رابردوو له ئه‌كاونتی تویته‌ری خۆیدا نوسیبووی: حه‌زده‌كات دیدارێكی دووباره‌ی له‌گه‌ڵ رێبه‌ری كۆریای باكووردا هه‌بێت.
هه‌رچه‌نده كه ورده‌كاریی و شوێنی ئه‌و دیداره رانه‌گه‌یه‌نراوه، به‌ڵام حكومه‌تی ڤیێتنام پێشنیاری كردووه ئاماده‌یه میوانداریی ئه‌م دیداره بكات.
مه‌سعود / كوردستان تی ڤی
سه‌رچاوه/ ده‌نگی ئه‌مریكا
کۆمێنت (0)
تا ئێستا هیچ کۆمێنتێک نەکراوە.