دوێنێ شه‌مه 2/2/2019 له‌شاری كه‌ربه‌لا،(عه‌لا مه‌شزوب) دوابه‌دوای دیدارێكی ئه‌ده‌بی و ھاتنه‌ده‌ره‌وه‌ی له‌گه‌ڵ چه‌ند نوسه‌رو ڕۆژنامه‌نوسێكدا، كاتێك كه‌به‌ره‌وماڵ ده‌گه‌ڕایه‌وه له‌لایه‌ن چه‌ند كه‌سێكی نه‌ناسراوه‌وه درایه‌به‌ر گولله‌و تیرۆركرا.
ئه‌م نوسه‌رو چالاكوانه خاوه‌نی چوار ڕۆمان وسێ كۆمه‌ڵه چیرۆكه ، ھه‌روه‌ھا خاوه‌نی كتێبی مێژوی كه‌ربه‌لایه‌و چه‌ندین توێژینه‌وه‌و لێكۆڵینه‌وه‌ی ئه‌نجامداوه له‌سه‌ر وێنه‌و درامای ته‌له‌فزیونی .
نوسه‌ر (عه‌لا مه‌شزوب) ھه‌ڵگری بڕوانامه‌ی دكتۆرا بووه له‌كۆلێژی ھونه‌ره‌جوانه‌كانی به‌غدا. تیرۆركردنی(عه‌لا مه‌شزوب) به‌ئامانجی كپكردنی ده‌نگه جیاوازه‌كان و ڕه‌نگه جیاوازه‌كانه‌و نه‌ھێشتنی ڕه‌خنه‌یه له‌عێراقدا. (عه‌لا مه‌شزوب) وه‌ك نوسه‌رێكی بوێر به‌رده‌وام به‌ئاشكراو به‌ده‌نگی به‌رز ڕه‌خنه‌ی ئاراسته‌ی سیستمی سیاسی و حوكمڕانی پڕ له گه‌نده‌ڵی عێراق كردوه.
كوردستان تیڤی/ كامران
کۆمێنت (0)
تا ئێستا هیچ کۆمێنتێک نەکراوە.